O'zbekiston respublikasi oliy va o'rta maxsus ta'lim vazirligi mirzo ulug'bek nomidagi

Baqa ichki organlarining joylanishi
Preparatning oldingi (yoruvchiga nisbatan) tomonida baqaning yuragi joylashgan bo'lib, u yangi o'ldirilgan (narkozlangan) baqada qisqarib va kengayib turadi. Yurakning yon tomonlarida cho'ziluvchan xaltasimon o'pkalar bor. Ular ichida havo bo'lgandagina qizg’ish rangli bo'lib aniq; ko'rinadi. Shuning uchun ularni pintset bilan joyidan (yurak ostidan) tortib chiqazib yoki hiqildoqga uchi ingichka shisha naycha tiqib puflansa, ichiga havo to'lib bo'rtgan o'pkalarni ko'rish mumkin. Yurakning pastki qismi serbar, to’q qizil rangli jigar pallalari oraliqida joylashgan. Jigar ag’darilsa, uning tagidagi to’q ko'k rangli kattaligi moshday o't pufagi ko'rinadi. Jigarning o'ng (yoruvchiga nisbatan) tomonidan oshqozonning keyingi bo'limi chiqib turadi. Agar jigar yuqoriga ko'tarilsa uning hamma qismi ko'rinadi. Baqa oshqozoni retorg shishasimon bo'lib, och sarg’ish ranglidir (95-rasm).
Oshqozonning keyingi qismidan o'n ikki barmoqli ichak boshlanadi. Baqaning uzunchoq to’q sariq rangli yassi va kompakt oshqozon osti bezi o'n ikki barmoqli ichak qovuzlog’ida joylashgan. O'n ikki barmoqli ichak bir nechta burmali bo'lib, bilinar-bilinmas chegara bilan ingichka ichakka, u esa o'z navbatida keng va oxirgi uchi kloakaga ochiladigan orqa (to’g’ri) ichak ka aylanadi. Kloakaga, bundan tashqari yupqa devorli va ikki pallali siydik pufagi ham ochiladi. Ichak burmalari orasidagi kichik, no'xatdek qizil rangli taloqni izlab toping (95-rasm).
Barcha ichki organlar ostida joylashgan buyrakni ko'rish uchun ichak burmalarini bir tomonga surish kerak.

95-rasm. Urg’ochi baqa ichki organlarining joylashishi: 1 - o'ng yurak bo'lmasi; 2 - chap yurak bo'lmasi; 3 - yurak qorinchasi; 4 - arterial konus; 5 -o'pka; 6 - qizilo’ngach; 7 - oshqozon; 8 - oshqozonning pilorik qismi; 9 - o'nikki barmoqli ichak; 10 - oshqozon osti bezi; 11- ingichka ichak; 12 - to’g’ri ichak; 13 - kloaka doirasi; 14- jigar; 15 - o't pufagi; 16 - o't yo'li; 17 - ichak tutqichi; 18 - taloq; 19 - buyrak 20 - siydik yo'li; 21 - siydik pufagi; 22 - tuxumdon; 23 - tuxum yo'li.

Shunda faqat buyraklarnigina emas (erkak baqalarda) hatto buyrakning oldingi uchiga taqalib turadigan bir juft oqimtir yumaloq urug’donlarni kam ko'rish imkoniyati tug’iladi. Urg’ochi baqalarning jinsiy bezlari bir juft tuxumdondan iborat bo'lib, uning kattaligi yil fasliga qarab o'zgarib turadi: yoz va kuzda kichik bo'lsa, bahorda juda katta bo'lib, ichi yumaloq qora tuxumlar bilan to'lib turadi (96-rasm).