O'zbekiston respublikasi oliy va o'rta maxsus ta'lim vazirligi mirzo ulug'bek nomidagi

Ishning bajarilishi.
Yorish uchun tanlangan yirik baqa tajriba o'tkazish uchun qulay.

1. 
   Baqani yorishdan oldin uni bir idishga soling, so'ngra unga bir necha tomchi xloroform tomizilgan paxtani tashlang. Keyin banka og’zini qopqoq bilan mahkam berkitib, baqani idishda 20 - 30 daqiqa qoldiring. Shunda baqa o'ladi va uni yorish mumkin.
   
2. 
   Yorishdan oldin baqani sovuq suvda yuvib, 5-10 daqiqa ochiq havoda xloroform hidini ketkazish uchun shamollating.
   

Baqani yorish
Yorish uchun tayyorlangan baqani vanna ichiga chalqanchasiga (qorin tomonini yuqoriga qaratib) yotqizib, oyoqlari va tumshug’ini to’g’nog’ich bilan vanna tubiga qadang. So'ngra pintset bilan qorin terisini yuqoriga ko'tarib keyingi oyoqlarining asosidan bir oz oldinroqda qaychi uchi bilan ko'ndalangiga ozgina kesing, so'ngra shu kesikdan tumshuq tomom terini bo'yiga kesib chiqing. Terining ichkaridan gavdaga yopishgan joylarini skalpel yoki qaychi bilan qirqing. Hosil bo'lgan teri parchalarini baqaning yon tomoniga yoyib, vannachaga nina yoki to’qnaqichlar bilan qadang. So'ngra terining ichki yuzasini diqqat bilan ko'zdan kechirsak, juda ko'p sonda mayda qon tomirlari bilan qoplanganligini ko'ramiz, bu qon tomirlar, juft teri arteriyasi va katta teri venasnning tarmoqlaridir (94-rasm).



94-rasm. Baqani yorish sxemasi: A-ternni kesish, B - tana devorini kesish, V - kesilgan tana devorini yon tomonlariga ag’darib vannaga qadash: 1 - jaharo muskullar; 2 - ko'krak kamarining muskuli; 3 - qorin devorining muskullari; 4 - qorin venasi (punktir chiziq bilan kesish izlari berilgan).

Qon tomirlarining teri ostida ko'p tarqalishi baqalarning teri orqali ham nafas olishini tasdiqlaydi.

Endi qorinning muskulli devorini 94-b rasmda ko'rsatilganday qilib kesib chiqing. Qorinning to’g’ri muskulini kesganda qorin qon tomirini kesmaslik uchun kesish chiziqini bir oz yon tomondan o'tkazish lozim (aks holda vena ichidagi qon tashqariga quyiladi). Qorin muskulini bo'yiga kesishni to to'sh suyagiga qadar davom ettiring. Keyin pintset bilan to'sh suyagini yuqoriga ko'tarib, qaychi bilan o'rtasidan kesib, ikkiga ajrating va oldingi oyoqlardan to’g’nag’ichlarni olib, oyoqlarni yon tomonlarga: yanada tortib vannaga qaytadan qadang. Qorin devorini xam xuddi 40 b rasmda ko'rsatilganidek qilib kesing va hosil bo'lgan parchalarni teriga qo’shib vannaga qadang. Bu ishlarni bajargandan so'ng vannaga preparat (baqa)ni qoplaydigan darajada suv quying.