O'zbekiston respublikasi oliy va o'rta maxsus ta'lim vazirligi mirzo ulug'bek nomidagi

90-rasm. Sazanning chanoq kamari va qorin suzgich qanotlari: 1-chanoq suyaklari; 2-teri suyak shu'lalar
Suyakli baliqlarning qorin suzgichida radialiya hamda bazaliy elementlari reduktsiyalangan. Suyakli baliqlar qorin suzgichining funktsiyasi cheklanganligi sababli ular tuzilishi soddalashgan. Shunday hilib, suyakli baliqlar juft suzgich qanotlarining ichki skeleti akuladagiga nisbatan soddaroq tuzilgan, ya'ni oldingi qanotlarida bazaliyalar yo’q, orqa suzgich qanotlarida esa bazaliyalar hamda radialiyalar ko'pincha reduktsiyalangan. Toq suzgichlari orqa, dum va anal suzgich qanotlardan tashkil topgan. Anal va orqa suzgich qanot ichki skeleti muskulda joylashgan radialiyalardan, tashqi ekeleti esa suzgich qanot shu'lalari - lepidotrixiyalardan iborat.
Dum suzgichi yuqorida aytilganidek, tashqi tomondan simmetrik va ichki tomondan assimetrik - gomottserkal tipda tuzilgan. Uning ustki pallasi ichiga umurtqa poqonasining oxirgi uchi joylashgan bo'lib, pastki pallasi asosini esa kuchli o'sib, keng tortgan qiltanoq (ostis) o'simta - gipouraliyalar ushlab turadi. Tashqi skeleti teri shu'lalar - lepidotrixiyalardan iborat (91-rasm).


91-rasm. Sazanning dum suzgichi (sxema): 1 - umurqa pog’onasining oxiri; 2 - gipouraliyalari; 3 - teri suyak sho'lalari.


Ishning bajarilishi.
Skeletning asosiy bo'limlari: umurtqa pog’onasi, bosh skeleti, juft va toq suzgich qanotlar skeletini o'rganib bo'lgach, quyidagi rasmlarni albomga chizib oling:
1. Sazan bosh skeletining uzunasiga kesimi.
2. Sazan bosh skeletining yon tomondan ko'rinishi.
3. Miya qutisining ensa bo'limi.
4. Vitseral skeletining yon tomondan ko'rinishi.
5. Ko'krak kamari suzgich qanot skeleti bilan birga.
6. Chanoq kamari suzgich qanot skeleti bilan birga.
7. Tana bo'limi umurtqasining oldingi tomondan ko'rinishi.
8. Dum bo'limi umurtqasining oldingi tomondan ko'rinishi.
9. Uchta dum umurtqasining uzunasiga kesimi.
10. Dum suzgichyning skeleti.