O'zbekiston respublikasi oliy va o'rta maxsus ta'lim vazirligi mirzo ulug'bek nomidagi

Suzgich qanotlar skeleti. Juft suzgich qanotlar baliqning ko'kragida va qornida joylashgan. Ko'krak juft suzgichining kamari tanada tayanch vazifani bajaradi. Ko'krak kamari barcha suyakli baliqlarda kuchli reduktsiyalangan birlamchi elka kamaridan, ya'ni ikkita kichkina xondral - kurak va uning ostida joylashgan korakoid suyaklardan iborat. Kurak suyagi ko'krak erkin suzgich qanotining ichki skeleti - radialiyalar kelib qo’shiladigan yerda joylashgan bo'lib, uning o'rtasida teshigi bor. Ikkilamchi kamar esa juda kuchli rivojlangan bo'lib, miya qutisi bilan birikadi. U bir nechta suyakchalar zanjiridan tashkil topgan, chunonchi, shu suyaklarning eng kattasi kleytrum suyagi pastki uchi orqali birlamchi kamar elementlari (kurak va karakoid) bilan mustahkam birikadi va uning ustki uchiga kleytrum usti suyagi qo’shiladi. Bu suyak esa o'z navbatida ensaning tugallanish joyi va ensa usti suyaklari bilan qo’shiladi. Ko'krak kamari bu suyaklar orqali miya qutisining ensa bo'limiga birikadi (89-rasm).


89-rasm. Sazanning yelka kamari va ko'krak suzgich qanotlarining skeleti: 1 - kurak suyagi; 2 - karakoid; 3 - kleytrum; 4 - kleytrum usti suyagi; 5 - ensa orqa suyagi; 6 - ensa usti suyagi; 7 - radialyalar; 8 - teri suyak sho'lalar;

Ko'krak erkin suzgich qanotining ichki skeleti faqat bir qator mayda kurakdan va qisman korakoiddan boshlanadigan radialiyalardan iborat. Bu radialiyalarga suzgich qanot pallasida joylashgan va bo’qimlardan tashkil topgan teri suyak shu'lalari bevosita birikadi. Akulalar ko'krak suzgichidagi bazaliy elemyontlari suyakli baliqlarda reduytsiyalangan. Erkin suzgich qanotlarning bu elementlari suyakli baliqlarda o'zining tayanch funktsiyasini yo’qotgan va bu funktsiyani birlamchi kamar elementlar (kurak, korakoid) bajaradi.

Chanoq kamari. Bir-biri bilan qo’shilib ketgan bir juft uchburchak, suyak plastinkadan iborat. Ular qorin devori muskulida joylashib, umurtqa poqonasi bilan boqlangan emas. Chanoq kamarining yon tomonlariga qorin suzgich qanotlari birikadi. Kamarga suzgich qanot pallalari teri suyak shu'lalari orqali birikadi (90-rasm).