O‘zbekiston Respublikasi Oliy va o‘rta maxsus ta'lim vazirligi jizzax politexnika instituti

2. «Размеры»-«Ўлчамлар» қўйиш алгоритмлари

Экраннинг ўнг томонида жойлашган ўлчам қўйиш асбоблари панелидан фойдаланиб чизмада тасвирланган геометрик фигуралар, деталлар ва буюмлар элементларининг ўлчамлари, уларни боғловчи ўлчамлар ва охирида габарит ўлчамлари қўйилади. Барча ўлчамларнинг чиқариш ва ўлчам чизиқларини ҳамда ўлчам қийматларини компьютернинг ўзи автоматик ҳисоблаб чизмага ёзиб қўяди. Шунинг учун, ўлчамларни чизмада кўринимли бўлишини ҳисобга олган ҳолда жойлаштирилади. Агар унга эришишнинг иложи бўлмаса, «Диспетчер размерных стилей» ойнасидан «Изменение размерного стиля: ISO-25» қайта кириб, ундаги «Размещение» қўйилма-«вкладка»сини юклаб, «Подгонка элементов»даги «Размещение текста вручную» буйруғи юкланади ва ўлчамларнинг чизмадаги жойларини ўзгартириб, уларнинг қўйилишининг кўринимли бўлишига эришилади.

Чизмада горизонтал ва вертикал чизиқли ўлчамлар, ўлчамлар панелидаги тугмани, қия жойлашганлари эса, тугмани юклаб қўйилади.
Чизмада бирор нуқтанинг Х ёки Y координаталарини кўрсатиш лозим бўлса, тугмани юклаб қўйилади.
Айлана ёйининг радиуси ва айлана диаметри тегишлича, тугмалардан, ҳамда бурчак ўлчамлар, тугмадан фойдаланиб қўйилади. Агар бирор сабаб билан ўлчам кўрсаткичларини ўзгартириш керак бўлса, ўлчамлар панелидаги охирги тугмасини юклаб, экранга дастлабки «Диспетчер размерных стилей» ойнасини чақириш ҳам мумкин.
Агар бирор ўлчам қийматни яхлитлаб олиш ёки унга қўшимча ёзув киритиш зарур бўлса, менюлар ойнасидан «Редактирование» менюси юкланиб, унинг тушувчи ойнасидан «Объекты/Текст/Редактировать» қўшимча буйруқлари кетма-кет юкланади, 56- расм.

56- расм
Шунда экранда пайдо бўлган квадрат нишонча орқали ўзгартириш киритиладиган ўлчам билан боғланади. Экранда пайдо бўлган «Формат текста» ойнасига керакли ўзгартириш, масалан Ø100,51 ёзувини, Ø100 ёки Ø101 ёзувига, ёки Ø10 ёзувини, «4теш.Ø10» ёзувига ўзгартирилади. Ойнадаги «ОК» ёки «Enter» тугмасини юклаб, қўйилган ўлчам таҳрир қилинади.