Oʻzbekiston respublikasi oliy va oʻrta maxsus ta’lim vazirligi jizzax davlat pedagogika instituti begbutayev a. E., Yusupov r. M

9.4. Ta’limda SMART-texnologiyalar va IoT (Internet of things) – 
buyumlar internetining qoʻllanilishi 
 
YUNESKO tashkiloti tomonidan eʻlon qilingan XXI asrda «Life Long 
Learning» yaʻni - «Butun hayot davomida oʻrganish», «Ta’lim - hamma uchun» 
ta’lim tamoyillarini amalga oshirish uchun SMART-ta’lim orqali shart-sharoitlar 
yaratiladi. SMART-ta’lim «har doim, har joyda va istalgan vaqtda» ta’lim olish 
imkoniyatlarini yuzaga keltirmoqda. 
SMART - jamiyat oliy oʻquv muassasalari oldiga zamonaviy fikrlash va 
ishlash imkoniyatiga ega kreativ salohiyatli mutaxassislarni tayyorlash kabi global 
vazifalar qoʻymoqda. Buning uchun ularda quyidagi amaliy koʻnikmalarni 
shakllantirish lozim: ijtimoiy tarmoqlarda muloqot qilish, foydali axborotlarni 
izlash va tanlash, elektron manbalar bilan ishlash, oʻquv jarayoni muhitini 
oʻzgartirishni talab etuvchi shaxsiy maʻlumot bazasini yaratish.
Axborotlashgan ta’lim jarayonining zamonaviy tendensiyasi tahlili shuni 
koʻrsatadiki, jamiyatda oʻqitishning anʻanaviy modelidan elektron ta’limga oʻtish, 
soʻngra esa “smart – inson” ning shaxsiyatini shakllantirish va ta’lim oluvchida 
yangi bilimlarni generatsiya qilishga ijozat beruvchi samarali texnologiyalari 
mavjud, qaysiki qidirish, axborotni tahlil etish va innovatsiyalar yaratish uchun 
takomillashgan AKT ga ega boʻlgan smart – ta’limga oʻtishni taqazo etadi.