O‘zbekiston respublikasi oliy va o‘rta maxsus ta‘lim vazirligi jizzax politexnika instituti

14. Kаsb tа’limi mеtоdikаsi qаndаy fаn?

a. ijtimоiy fаn;

b. mахsus fаn;

c. аniq fаn;

d. tabiiy fаn.

15. Umumiydan xususiyga boradigan fikr yuritish yo‘li nima deb ataladi?

a. deduksiya; b. didaktika; c. akseleratsiya; d. induksiya.
2-mavzu. PEDAGOGIK TEXNOLOGIYA VA DARS O‘TISh METODIKASI.

Mavzu bo‘yicha topshiriqlar:

Pedagogik texnologiyaning shakllanishi.

XX asrda fizika, kimyo, energetika, biologiya, matematika, informatika va boshqa fanlarning yutuqlariga tayangan texnologiyalar texnologik inqilobni keltirib chiqardi. Fan-texnika taraqqiyoti yaratilgan texnika va texnologiyalarni tushunadigan ularni ishlata oladigan, ko‘rsatilgan texnologiya bo‘yicha mahsulot yarata oladigan kadrlar tayyorlashni ham ob’ektiv zarur qilib qo‘ydi. Mutaxassis kadrlarning qay darajada bilim olishi, ko‘nikma mahoratiga ega bo‘lishi ta‘lim muassasalarida ta‘lim-tarbiya jarayonini ko‘p jihatdan qanday tashkil etilishiga bog‘liq. Shuning uchun ham ko‘plab pedagoglar o‘quvchi talabalarga nimani o‘qitish, o‘rgatish kerak, qanday o‘qitish, o‘rgatish kerak? degan savol qo‘yib, unga javob topish uchun tinimsiz izlanishlar olib boradilar. Pedagog olimlar va amaliyotchilar ishlab chiqarish texnologiyasini nazarda tutgan holda o‘quv jarayonini ham “texnologiyalashtirishga” ya‘ni o‘qitishni natijasini kafolatlangan o‘ziga xos texnologik jarayonga aylantirishga urinadilar. Natijada pedagogikada yangi yo‘nalish – pedagogik texnologiya, xususan, o‘qitish va tarbiyalash texnologiyasi paydo bo‘ldi.

Pеdаgоgik tехnоlоgiya vа uning mаzmunigа turli o‘quv adabiyotlarida turlicha ta‘riflar berilgan.