O‘zbekiston respublikasi oliy va o‘rta maxsus ta’lim vazirligi j. Abdullayev, I. Ermatov, S. Eshqulov ona tili

Milyonlab o‘zbekning umidlari jam

Milyon bu ovozlar – nomus ham ordir. (million – bo‘lishi kerak edi).

Chopdim she’rlarimni qo‘ltiqlab men ham:

Egasi bor yurtning – ertasi bordir.
Lug‘at vaqti:

1. MA’DAN - 1 Mineral. 2 Metall. 3 Ruda.

2. IMON. 1. Xudoga bo‘lgan ishonch, e’tiqod; ko‘ngilda ishonish va tilda iqror qilish. 2. Umuman, ishonch.

3. GUHAR. Gavhar (qimmatbaho tosh, marvarid, qimmatbaho toshlarning umumiy nomi).

4. GULSHAN. Gulzor, gulbog‘, chamanzor.

5. SAMAR // SAMARA – Natija, hosila, foyda.
3-dars. O‘zbek adabiy tilining taraqqiyoti
1. Ma’lum bir til qoidalari asosida tuzilgan, ishlangan til adabiy til deyiladi. 2. Tarixan tarkib topgan, qat’iy mе’yorlarga bo‘ysunuvchi, so‘zlashuvchilarning qaysi hududda yashashidan qat’i nazar barchasi uchun umumiy bo‘lgan til. Adabiy tilning ikki shakli bor: 1) yozma shakli, 2) og‘zaki shakli.

O‘zbek tili turkiy tillar guruhiga kiruvchi yirik tillardan biridir. O‘zbek (turkiy) tilde yozilgan dastlabki yozma yodgorliklar VI–VII asrlarga tegishli bo‘lib, umumturk adabiy tili sifatida shakllandi. X–XII asrlarda bu tilda «Devonu lug‘otit turk», «Qutadg‘u bilig», «Hibat ul-Haqoyiq», «Devoni hikmat», «Muqaddimat ul-adab» kabi nodir asarlar yaratildi. XIII–XIV asrlarda yaratilgan «Qissasi Rabg‘uziy», «Muhabbatnoma», «Me’rojnoma», «Yusuf va Zulayho», «O‘g‘uznoma» kabi o‘nlab mashhur kitoblar eski o‘zbek tilini mahalliy shevaning go‘zal unsurlari bilan boyitdi. O‘zbek xalqi tilining takomillashuvida XIV asrdan XIX asrning ikkinchi yarmigacha bo‘lgan tarixiy davr muhim rol o‘ynaydi. Temur davlatining ravnaqi ostida ijod etgan Sakkokiy, Atoiy, Lutfiy, Alisher Navoiy, Zahiriddin Muhammad Bobur kabi mumtoz adiblarimiz o‘zbek adabiy tilining mavqeyini yuksak darajaga ko‘tardilar. Keyinchalik o‘zbek tilini xalq tilining boy imkoniyatlari asosida Abulg‘ozixon, Turdi, Gulxaniy, Maxmur, Munis, Ogahiy kabi adiblar yanada boyitdilar. XIX asrning ikkinchi yarmidan boshlab o‘zbek adabiy tilining uslublari ham shakllana bordi, o‘zbek milliy tilida me’yorlashish jarayoni barqarorlashish bosqichiga kirdi. Hozirgi o‘zbek adabiy tili rivojlangan, ijtimoiy mavqeyi yuksalgan, sayqal topgan, fonetik va leksik-grammatik jihatdan me’yorlashgan milliy tildir.

O‘zbek tiliga Davlat tili maqomining berilishi.

O‘zbek tilining o‘tmishi, buguni, ertanggi kuni haqida matn yaratish.