O’zbekiston respublikasi oliy va o’rta maxsus ta’lim vazirligi islom karimov nomidagi toshkent davlat texnika universiteti

2.5 Plastinali issiqlik almashinish qurilmasi.

Yupqa metall listlardan tayyorlangan bir necha plastina tepa va pastki tutib turuvchi bruslardan iborat romda yig‘iladi (3-rasm).qo‘zg‘almas va harakatchan plitalar orasida shtampovka qilingan po‘lat, gofrirlangan plastina dastasi joylashgan bo‘lib, ularda issiqlik eltkichlar harakati uchun kanallar bor.

Plastina dastasi qo‘zg‘almas 2 va harakatchan plitalar 4 orasida yig‘iladi va tortib turuvchi shpilka 6 yordamida siqiladi.Plastinalarni zichlash yuqori bosimga bardosh bera oladigan qistirmalar yordamida amalga oshiriladi. Plastinalar orasidagi kanallar eni 3...6 mm bo‘ladiPlastinali issiqlik almashinish qurilmalarining ishlash prinsipi 3b-rasmda ko‘rsatilgan.
Rasmdan ko‘rinib turibdiki, suyuqliklarning harakati qarama - qarshi yo‘nalishda. Shuni qayd etish kerakki, har bir issiqlik eltkich plastinaning bir tomoni bo‘ylab harakat qiladi.
Bu turdagi qurilmalar isitgich, sovutkich, hamda pasterizatsiya, sterilizatsiya qilish uchun ham qo‘llash mumkin.
Plastinalar orasidagi kanallarda suyuqlik tezliklari yuqori bo‘lgani uchun issiqlik o‘tkazish koeffitsiyenti K <=3800 Vt/m²*K gacha erishish mumkin. Undan tashqari, bunday yuqori issiqlik o‘tkazish koeffitsiyentlarni olishga sababchi bo‘lgan omillardan biri, gofrirlangan plastina yuzasining suyuqlik oqimini turbo‘lizatsiya qilishi va devorning kichik termik qarshiligidir.
Plastinali issiqlik almashinish qurilmalarining afzalliklari: issiqlik o‘tkazish koeffitsiyenti katta; gidravlik qarshiliga nisbatan kichik; tuzilishi ixcham; suyuqliklar tezligi yuqori; issiqlik almashinish yuzasi katta.

Bu turdagi qurilmalar kamchiliklari: katta bosimga bardosh berolmaydi, tayyorlash qiyin, suyuqlik tarkibidagi qattiq zarrachalar.kanallarni yopib qo‘yish ehtimoli bor.