O‘zbekiston respublikasi oliy va o‘rta maxsus ta’lim vazirligi islom karimov nomidagi toshkent davlat texnika universiteti olmaliq filiali

2.4. Laboratoriya ishlari bo‘yicha ko‘rsatma va tavsiyalar
Kafedra professor – o‘qituvchilari tomonidan laboratoriya ishlarini bajarish bo‘yicha tavsiyalar va uslubiy qo‘llanmalar ishlab chiqiladi. Laboratoriya ishlari stendlardan va virtual laboratoriya ishlaridan iborat.
Laboratoriya mashg‘ulotlarida tajriba asosida suyuqlik harakati qonunlarni o‘rganiladi. Laboratoriya ishlarining minimal namunalari sifatida quyidagilar tavsiya etiladi:
5311600- «Konchilik ishi» ta’lim yo‘nalishi uchun tajriba mashg‘ulotlarni rejalashtirilmagan
5320200- Mashinasozlik texnologi-yasi, ishlab chiqarishni jihozlash va avtomatlashtirish
5320300- Texnologik mashinalar va jihozlar (Mashinasozlik va metallga ishlov berish) ta’lim yo’nalishlari bo’yicha.
Laboratoriya ishlarining taxminiy ro’yxati

1. 
   Nuqtadagi bosimni aniqlash va pezometrik tekislik qurish
   
2. 
   P’ezometrik va to’liq bosim diagrammasini chizig’ini chizish
   
3. 
   Suyuqlik harakat tartibini o’rganish usullari
   
4. 
   Quvurning uzunligi bo’yicha gidravlik qarshilik koeffitsentini aniqlash
   
5. 
   Quvurdagi mahalliy qarshilik koeffitsentini aniqlash
   
6. 
   Suyuqlikni yupqa devordagi kichik teshikdan oqishini tekshirish
   
7. 
   Nasoslarni tajribada sinash
   

5312200- Konchilik elektr mexanikasi ta’lim yo’nalishi bo’yicha
1.Nuqtadagi bosimni aniqlash va p’ezometrik tekislik qurish
2.P’ezometrik va to’liq bosim diagrammasini chizig’ini chizish
3.Suyuqlik harakat tartibini o’rganish usullari
4.Quvurning uzunligi bo’yicha gidravlik qarshilik koeffitsentini aniqlash
5.Quvurdagi mahalliy qarshilik koeffitsentini aniqlash
2.5 Kurs ishi (loyihasi) bo’yicha ko’rsatmalar va tavsiyalar
O’quv rejalarida kurs ishi (loyihasi) kiritilmagan
2.6 Mustaqil ishlar bo‘yicha ko‘rsatma va tavsiyalar
Mustaqil ta’limni tashkil etishda fanning xususiyatlarini hisobga olgan holda quyidagi shakllardan foydalanish tavsiya etiladi va joriy nazorat sifatida baholanadi:
Mavzular bo‘yicha konspekt(referat, taqdimot) tayyorlash. Nazariy materialni puxta o‘zlashtirishga yordam beruvchi bunday usul o‘quv materialiga diqqatni ko‘proq jalb etishga yordam beradi. Talaba konspekti turli nazorat ishlariga tayyorgarlik ishlarini osonlashtiradi, vaqtni tejaydi;
o‘qitish va nazorat qilishning avtomatlashtirilgan tizimlari bilan ishlash. Olgan bilimlarini o‘zlashtirishlari, turli nazorat ishlariga tayyorgarlik ko‘rishlari uchun tavsiya etilgan elektron manbalar, innovatsion dars loyihasi namunalari, o‘z-o‘zini nazorat qilish uchun test topshiriqlari va boshqalar;
fan bo‘yicha qo‘shimcha adabiyotlar bilan ishlash. Mustaqil o‘rganish uchun berilgan mavzular bo‘yicha talabalar tavsiya etilgan asosiy adabiyotlardan tashqari qo‘shimcha o‘quv, ilmiy adabiyotlardan foydalanadilar. Bunda rus va xorijiy tillardagi adabiyotlardan foydalanish rag‘batlantiriladi;
ma’lumotlar to‘plash va ilmiy izlanishlar olib borish, ilmiy to‘garak doirasida yoki mustaqil ravishda ilmiy manbalardan foydalanib ilmiy maqola (tezis) va ma’ruzalar tayyorlash kabilar talabalarning darsda olgan bilimlarini chuqurlashtiradi, ularning mustaqil fikrlash va ijodiy qobiliyatini rivojlantiradi.
Mustaqil ishni tashkil etish bo‘yicha uslubiy ko‘rsatma va tavsiyalar, keys-stadi, vaziyatli masalalar to‘plami ishlab chiqiladi. Ma’ruza mavzulari bo‘yicha amaliy topshiriq, keys-stadilar yechish uslubi va mustaqil ishlash uchun vazifalar belgilanadi.