O’zbekiston respublikasi oliy va o’rta maxsus ta'lim vazirligi guliston davlat universiteti

Turkum.  Yantog’ - Alhagi Adans. –  
Tur. Soxta yantog’- Alhagi  pseudalhagi Desf.  
Fabaceae - Burchoqdoshlar oilasi eng katta oilalardan biri bo’lib, 650 turkumga 
mansub,  18  ming  turni  o’z  ichiga  oladi.  Bu  oila  vakillari  yer  sharining  hamma 
qurug’liklarida uchraydi O’zbekistonda esa 35 turkumga oid 420 turi o’sadi. 
Alhagi  -  Yantog’  balandligi  30-110  sm  ba'zan  130  sm  gacha  bo’lgan  tikanli, 
ko’p  yillik  o’t  o’simlik.  Poyasi  tik  o’suvchi  shoxlangan.  Barglari  tuxumsimon. 
Cho’ziq dumaloq yoki lansetsimon, tekis qirrali bo’lib poya va shoxlarda qisqa bandi 
yordamida  yoki  bandsiz  ketma-ket  o’rnashgan.  Mevasi  ko’p  urug’li,  tasbexsimon, 
pishganda  ochilmaydigan  dukkak.  May-sentyabr  oylarida  gullaydi.  Mevasi  avgust-
oktyabr oylarida etiladi. 
Yantog’ning  yer  ustki  qismi  tarkibida  qandlar,  organik  kislotalar,  efir  moyi, 
flavonoidlar,  kumarinlar,  vitamin  S,  V  guruxi  va  karotin,  alkoloidlar,  glikozidlar, 
antotsiantlar, smolalar, shilliq  oshlovchi  (8,2  %  gacha)  mineral  va  boshqa  moddalar 
bor. Qadimdan yantog’ tabobatda turli kasalliklarni davolash uchun ishlatib kelinadi. 

---

Yantog’  er  ustki  qismidan  tayyorlangan  damlamani  choy  o’rnida  yozda  ko’p 
istemol qilinadi. U chanqoqni yaxshi qoldiradi. Odam charchaganda charchashni olib 
organizmga quvvat beradi.