O’zbekiston respublikasi oliy va o’rta maxsus ta'lim vazirligi guliston davlat universiteti

Dorivor  ukrop-Foeniculum  vulgare  Mill.  Ziradoshlar  oilasiga  mansub,  bo’yi  90-
200 sm ga etadigan ko’p yillik o’ o’simlik. Ildiz tarmoq o’q ildiz, sarg’ish-og’imtir, 
asosan  tuproqning  haydaladigan  qavatida  (3-20  sm)  joylashadi.  Asosiy  ildiz 
urchug’simon,  etli,  uzunligi  55  sm.  gacha,  yon  ildiz  uzunligi  2,5  sm.gacha.  Poyasi 
to’qri, dumalog’, biroz g’irrali, ko’kimtir g’uborli, sershox 
Ziradoshlarning  gullari  nisbatan  bir  xil  tuzilishga  ega.  Ular,  odatda  aktinomorf 
va  5  qismli.  Har  bir  gul  tarkibiga  5  bargli  kosacha,  5  tojbargli  toj,  5  changchi  va  2 
ustunchali urug‘chi kiradi. 
Ziradoshlarning tojbarglari oq, och pushti, kam hollarda to‘q pushti rangli yoki 
sariq,  yashil-sariq  rangli.  Tojbarg  asosida  ingichka,  ko‘pincha  tirnoqcha  shaklida 

---

bo‘lib,  plastinkaga  kengayadi,  ko‘pchiligida  uchi  torayib,  odatda  gul  ichiga  egilgan 
bo‘ladi  va  buning  natijasida  bargning  uchi  ikki  yoki  uch  parrakli  ko‘rinishga  ega 
bo‘ladi. 
Androsey  5  changchidan  iborat.  Ginesey  sinkarp,  2  urug‘chibargdan  iborat. 
Tugunchaning ustki tomoni 2 asalchi bezga — stilopodiyga aylangan bo‘lib, ularning 
har  biri  boshchali  yoki  to‘qmoqsimon  tumshuqchali  erkin  stilodiy  bilan  tugaydi. 
Tugunchaning  ikkala  uychasida  ham  bittadan    urug‘kurtak  bo‘lib,  odatda  bittasi 
rivojlanmay qolishi natijasida bitta urug‘ yetiladi. Biroq ikkala urug‘kurtak yetilgan 
mevalar ham ko‘plab uchraydi. 
Ziradoshlarning mevasi visloplodnik deb ataladi va yetilganida bir qancha vaqt 
mevabarglarning  ventral  qismidan  hosil  bo‘lgan  ustuncha  yoki  karpoforda  yopishib 
turadigan  2  bo‘lakka  —  merikarpiylarga  ajraladi.  Karpofor  Hydrocotyleae  va 
Saniculoideae  kenja  oilalarida  bo‘lmaydi.  Biroq  Apioideae  kenja  oilasida  ham  har 
doim ko‘rinavermaydi. 
Ziradoshlarning  sistematikasida  mevaning  tuzilishiga  alohida  ahamiyat  beriladi 
hamda  bu  borada  maxsus  atamalar  ham  ishlab  chiqilgan.  Merikarpiylarning  ichki 
tomonini  komissura  deb  ataladi.  Ularning  tashqi  tomonida  5  asosiy  yoki  birlamchi 
bo‘ylama  qovurg‘alar  mavjud.  Ular  oralig‘ida  ikkilamchi  qovurg‘alar  joylashishi 
mumkin.  Meva  po‘stining  o‘rta  qavati  —  mezokarpiyda  bo‘ylama  yog‘  kanallari 
bo‘lib,  odatda  ular  birlamchi  qovurg‘alar  oralig‘ida  va  komissura  tomonida 
joylashadi.