O‘zbekiston respublikasi oliy va o’rta maxsus ta’lim vazirligi farg’ona davlat

Siyosat jamiyatning ma’naviy, madaniy-ma’rifiy sohasini ham boshqaradi, tartibga solib turadi. U ommaning, har bir inson ma’naviy madaniyatini oshirishga, uning tabiat, jamiyat sirlarini, ijtimoiy hayotdagi o’z o’rnini bilib va anglab olishiga doir tadbirlarni ishlab chiqadi va amalga oshiradi. CHunki ijtimoiy, iqtisodiy sohalarni tartibga solish va mustahkamlashga qaratilgan tadbirlarning o’zi kutilgan natijalarni beravermaydi. Agar iqtisodiyot, ma’naviyat – ma’rifatda u yoki bu masalani ushbu soha doirasida hal etilsa, siyosatda esa butun jamiyatga, barcha ijtimoiy guruhlarga doir masalalar hal etiladi. Siyosat – butun jamiyatga dalxldor bo’lgan masalalarni hal etuvchi sohadir.
Siyosatning bosh maqsadi – jamiyatning faqat iqtisodiy yoki ma’naviy-ma’rifiy sohasini rivojlantirish va moddiy, ma’naviy boyliklarni tobora ko’proq ishlab chiqarish emas, balki uning beistisno barcha sohalarini taraqqiy ettirish va mustahkam bir butunligini, xavfsizligini, bar-qarorligini, tinch-totuvligini, osoyishtaligini ta’minlashdan iboratdir. Bu ulkan maqsadni ro’yobga chiqarish uchun xilma-xil nazariy va amaliy vazifalarni bajaradi.

1. 
   Nazariy vazifasi: ijtimoiy muammolarni bartaraf etish va jamiyatning xavfsizligini, barqarorligini ta’minlash va mustahkamlash yo’llarini ko’rsatib berish, ilmiy asoslangan oqilona dasturlarni, qonunlarni, qarorlarni ishlab chiqishdir. Bunda pala-partishlikka yo’l qo’ymaslik kerak. SHuningdek, siyosat dasturlar, qonunlar, qarorlarni ishlab chiqish bilan birga ularni qabul qilish vazifasini ham bajaradi.
   
2. 
   Siyosatning asosiy amaliy vazifasi – qabul qilingan dasturlar, qonunlar, qarorlarni hayotda izchillik, qat’iyat bilan amalga oshirish, butun jamiyatni turli-tuman illatlardan, xastaliklardan tozalashdir. CHunki bu vazifa ijtimoiy hayotda amalga oshirilmas ekan, unda jamiyatning mustahkam xavfsizligiga, barqarorligiga, tinch-totuvligiga, baxt-soadatga erishib bo’lmaydi.
   

Siyosat o’z maqsad va vazifalarini amalga oshirishda quyidagi uslublardan foydalanadi: 1) ishontirish; 2) tarbiyalash; 3) kuch ishlatish; 4) majburlash.
Hozirgi vaqtda «siyosat» tushunchasi ham keng, ham tor ma’noda qo’llaniladi.