O’zbekiston respublikasi oliy va o’rta maxsus ta‘lim vazirligi d. N. Mamedova, yu. Sh. Jurayeva gaz ta’minoti tizimi (o’quv qo’llanma) Qarshi – 2021 yil

Qozonxonalarda gaz uskunalaridan foydalanishda xavfsizlik qoidalari

Qozonxonalarning xavfsiz va ishonchli ishlashini ta’minlash maqsadida gaz xo’jaligida o’z vaqtida profilaktik va ta’mirlash ishlari olib boriladi. Buning uchun maxsus grafiklar tuziladi.

Xavfsizlikning umumiy qoidalari: 1. Issiqlik korxonalarida 18 yoshga to’lgan, tibbiy ko’rikdan o’tgan tegishli dastur bo’yicha o’qigan, gazga xavfli ishlarni bexatar olib borish uchun guvoxnomasi bor, buyruq asosida ishga qabul qilingan kisxilar ishlashi mumkin.

2. Baxolarni va bilimini qayta tekshirishni korxonada tuzilgan xay’at o’tkazishi kerak: a) 12 oyga kamida 1 marta; b) boshqa korxonaga ishga o’tganda, yoki boshqa turli korxonalarga ishga o’tganda;

3. Qozonxonalarda navbatchilikni qabul qilishdan oldin jurnaldagi yozuvlar bilan tanishi, telefon va elektr tarmoqlarini ishlashi tekshirilishi kerak.

4. Qozonxonalarda navbatchilikni topshirish yoki qabul qilish ichki tartib qonunlari asosida o’tkazladi.

5. Navbatchilikni qabul qilish va topshirish smena jurnalida ko’rsatilishi kerak.

6. Qozonxonaning avariya holatida navbatchilikni qabul qilish yoki topshirish man etiladi.

7. Navbatchilik vaqtida boshqa ishlarni bajarish, ishlab turgan qozonlarni nazoratsiz qoldirish man etiladi.

8. Begona shaxslar qozonxonaga raxbariyat ruxsati bilan va uning vakillari bilan kirishlari mumkin.

9. Qozonxona va u yerdagi jixozlar toza bo’lishi kerak.

10. Ish boshlashdan oldin qozonlarni suvdan bo’shatish kerak.

11. Qozonning ta’mirlash ishlari qozon sovushi 50° C bo’lganda, qozonxona boshlig’ini yozma farmoyishidan so’ng olib boriladi.

12. Ish boshlashdan avval qozonning yoqilishli va gaz yo’llar yaxshi ventilyatsiya qilinishi kerak. Ish joylar yaxshi yoritishi bo’lishi kerak.

13. Ish borayotgan qozonda, uning maydonchalarida va gaz yo’llarda elektr yoritishi uchun 12 V dan ortiq bo’lmagan kuchlanish ishlatiladi.

Rejali profilaktik ta’mirlash ishlarining natijalari gaz xo’jaligi jurnalida yozib boriladi yoki maxsus aktlar yordamida rasmiylashtiriladi hamda GRP jurnaliga yozib boriladi. Qozonxona hamda gaz xo’jaligi avtomatikalari ishlovchi xodimlar yoki maxsus tashkilotlar ishcxilari kuchi bilan profilaktik va ta’mirlash ishlari olib boriladi. Buning uchun bu xodimlar maxsus tayyorgarlik kurslarida o’qigan bo’lishi kerak va bunday tizimlarning tuzilishini va ishlatish printsiplarini yaxshi bilishi kerak.