O’zbekiston respublikasi oliy va o’rta maxsus ta‘lim vazirligi d. N. Mamedova, yu. Sh. Jurayeva gaz ta’minoti tizimi (o’quv qo’llanma) Qarshi – 2021 yil

Ш - BOB. ICHKI GAZ QUVURLARI TA'MINOTI TIZIMLARI
3.1. Binoning ichki gaz quvurlarini tuzilishi

Ichki gaz quvurlarining binoga kirish joyi

Uy ichi gaz quvurlari gazni binoning ichidagi gaz asboblarga etkazib beradi. Uyga kelayotgan gaz quvurida bino devoridan 2 m ko’proq masofada gaz yopish uskunasi qo’yilishi kerak.

Lekin ko’pincha kran chiqish gaz quvurida yerdan 1,8 m balandlikda o’rnatiladi. Binoga kiritish gaz quvurlari asosan odam yashamaydigan xonalardan, ya’ni zinapoya xonasi, yo’lak, hamda oshxona orqali kiritilishi mumkin. Suyultirilgan gaz quvurlarini yertula, texnik qavatlardan o’tkazish mumkin emas.

Bino ichida gaz quvurlari kapital devorlarni, hamda qavatlar orasidagi yopmani teshib o’tganda, gaz quvurlari po’lat quvuridan tayyorlangan g’ilof ichidan o’tkaziladi. G’ilofning uchi devorda hamda poldan ikki tarafga 5 sm chiqib turishi kerak. G’ilof ichidagi gaz quvurida payvand choki bo’lmasligi kerak.

Uy ichi gaz quvurining minimal balndligi poldan 2 m bo’lishi kerak. Gaz quvurining har bir xonadonga kirish joyida berkituvchi kran bo’lishi kerak.

Agar binoda qavatlar soni to’rtdan kam bo’lsa, gaz tik quvurining asosida kran qo’yilmaydi, undan ko’p bo’lsa qo’yiladi.

Uy ichi gaz quvurlari temir qoziq yordamida devorga mahkamlanadi.

Qoziqlar orasidagi masofa gaz quvuri diametriga bog’lik bo’lib, u d = 25mm

bo’lsa, masofa kamida 3,5 m; d=20mm bo’lsa, - 3m; d=15mm bo’lsa, - 2,5m; d=50mm bo’lsa, - 5m. Gaz quvurlari bilan devor orasidagi masofa 1- 1,5 sm bo’lishi kerak.

a)

b)



18 - rasm. a – qavatlar bo’yicha reja; b – ichki gaz tarmoqlari va stoyaklar joylashishining aksonometrik sxemasi
Uy ichi gaz quvurlarini yotoqxona, mehmona va boshqa yashash xonalarida gaz asboblari bo’lmasa ular orqali o’tkazish mumkin emas.