O’zbekiston respublikasi oliy va o’rta maxsus ta’lim vazirligi buxoro muhandislik-texnologiya instituti ro’yxatga olindi: “tasdiqlayman”

O’quv fanining dolzarbligi va oliy kasbiy ta’limdagi o’rni

“Yengil sanoat jihozlari puxtaligi” fanining mazmuni, predmeti va metodi, mohiyati, uning maqsadi va vazifalari, sanoatda qo’llaniladigan mashina va uskunalar tizimi, maxsulot ishlab chiqarish uchun yuqori unumli jihozlarni qo’llash, ularning puxtaligini va ishonchliligini oshirish, ta’mirlashning zamonaviy texnologiyalarini joriy etish, texnologik jarayonlarni takomillashtirish va joriy sarmoyadorlar ishtirokida yangi qo’shma korxonalar barpo etish va ularni nazorat qilish va ketma-ketlikda o’z aksini topgan. “Engil sanoat jihozlari puxtaligi” fanini chuqur o’rganish engil sanoat sohasi muammolarini hal qilishda muhim rol o’ynaydi. Bu fan umumkasbiy fanlar blokiga kiritilgan kurs hisoblanib, 4-kursda o’qitilishi maqsadga muvofiq.

II. O’quv fanining maqsadi va vazifalari

“Yengil sanoat jihozlari puxtaligi“ fanining asosiy maqsadi – talabalarda, to’qimachilik va engil sanoati korxonalarida, hamda mashinasozlikda servis xizmati ko’rsatishda mashina va uskunalarini nazorat qilishni, ishdan chiqish sabablarini topish bo’yicha nazariy va amaliy bilimlarni shakllantirishdan iborat.

Fanning vazifalari – to’qimachilik va engil sanoat korxonalarining O’zbekiston Respublikasi rivojlanishida tutgan o’rni, ushbu fan bo’yicha olgan nazariy va amaliy bilimlarini ilmiy ishlarni amalga oshirishda, real sharoitga qo’llash bo’yicha bilim berish hamda ularda servis xizmatini tashkil qilishni amalda bajara olishni o’rgatadi va yangi yo’nalishlar yaratishga imkon beradi.
Fan bo’yicha talabalarning bilim, ko’nikma va malakalariga qo’yidagi talablar qo’yiladi. Talaba:
– yengil sanoat korxonalarida ishlatiladigan texnologik mashinalar va jixozlarining puxtaligini nazariyasi va hisoblash asoslarini; engil sanoat korxonalari mashinalari elementlari va ish rejimlarining aniq sharoitlar uchun puxtalik ko’rsatgichlari tanlash usullari to’g`risida tasavvurga ega bo’lishi;
– yengil sanoat korxonalarida qo’llaniladigan texnologik mashinalar va jihozlarni aniq sharoitlar uchun texnik va iqtisodiy asoslangan holda to’g`ri tanlash; engil sanoat korxonalari mashinalarini puxtalik ko’rsatgichlari va ish rejimlarini tanlash maqsadida hisoblash; engil sanoat korxonalari mashinalari konstruktiv parametrlarining geometrik nisbatlarini to’g`ri aniqlash usullarini bilishi va ulardan foydalana olishi;
–ishlab chiqarilayotgan va ishlatilayotgan engil sanoat korxonalari mashinalarini texnik-iqtisodiy va konstruktiv tahlil qilish; ularni aniq sharoitlarda samarali ishlatish; engil sanoat korxonalari mashinalarining muqobil puxtalik ko’rsatgichlari va ish tartiblarini belgilash ko’nikmalariga ega bo’lshii kerak.