O‘zbekiston respublikasi oliy va o‘rta maxsus ta'lim vazirligi andijon mashinasozlik instituti «Mashinasozlik ishlab chiqarishini avtomatlashtirish»

Tuzuvchilar:

1. Yo.Qurbonov – “Mashinasozlik ishlab chiqarishini avtomatlashtirish” kafedrasi mudiri, t.f.n, dots.

2. Sh.Mamatbekov – “Mashinasozlik ishlab chiqarishini avtomatlashtirish” kafedrasi assistenti.

Taqrizchilar:

A.Medatov, p.f.n. – AndDU dotsenti.

U.Sabirov i.f.n. – AndMI dotsenti

Mustaqil ta'limni tashkil etishning shakli va mazmuni.
“Mexatronika asoslari” bo‘yicha talabaning mustaqil ta'limi shu fanni o‘rganish jarayonining tarkibiy qismi bo‘lib, uslubiy va axborot rеsurslari bilan to‘la ta'minlangan. Talabalar auditoriya mashqulotlarida profеssor-o‘qituvchilarning ma'ruzasini tinglaydilar, misol va masalalar еchadilar. Auditoriyadan tashqarida talaba darslarga tayyorlanadi, adabiyotlarni konspеkt qiladi, uy vazifa sifatida bеrilgan misol va masalalarni еchadi. Bundan tashqari ayrim mavzularni kеngroq o‘rganish maqsadida qo‘shimcha adabiyotlarni o‘qib rеfеratlar tayyorlaydi xamda mavzu bo‘yicha tеstlar еchadi. Mustaqil ta'lim natijalari rеyting tizimi asosida baholanadi.

Uyga vazifalarni bajarish, qo‘shimcha darslik va adabiyotlardan yangi bilimlarni mustaqil o‘rganish, kеrakli ma'lumotlarni izlash va ularni topish yo‘llarini aniqlash, intеrnеt tarmoqlaridan foydalanib ma'lumotlar to‘plash va ilmiy izlanishlar olib borish, ilmiy to‘garak doirasida yoki mustaqil ravishda ilmiy manbalardan foydalanib ilmiy maqola va ma'ruzalar tayyorlash kabilar talabalarning darsda olgan bilimlarini chuqurlashtiradi Ularning mustaqil fikrlash va ijodiy qobiliyatini rivojlantiradi. Shuning uchun xam mustaqil ta'limsiz o‘quv faoliyati samarali bo‘lishi mumkin emas.

Kerakli materiallarni INTERNETdan qidirib topish mutaxassisdan ma’lum ko‘nikma talab etadi. Bu ko‘nikmani talabada rivojlantirish uchun ham keltirilgan mavzular bo‘yicha materiallarni INTERNETdan toppish talab etiladi. Talabaga qulaylik yaratish maqsadida quyida INTERNET manzillari ko‘plab keltirib qo‘yilgan. O‘zbek tilida topilmagan mavzularni qidirish uchun mavzularni ruscha va inglizcha tarjimalari keltirilgan.

“Mexatronika asoslari” fanidan talabalarni mustaqil fikrlash qobiliyatlarini rivojlantirish maqsadida quyidagicha topshiriqlar beriladi:

1. Mavzular avtomobil datchiklarini ishlash printsipi, bajaradigan funktsiyalariga taalluqli.

2. Berilgan mavzular bo‘yicha Internetdan kerakli materiallar qidirib topiladi. Topilgan materiallar asosida mavzu o‘rganiladi va konspekt qilinadi.

3. O‘rganib chiqilgan mavzu bo‘yicha elektron qurilma loyihalanadi va uni boshqarish dasturi CodeVisionAVR dasturlash pakеtida C algoritmik tilida yoziladi. Loyihalangan elektron qurilma VMLAB dasturlash paketi yoki PROTEUS dasturlash paketi yordamida simulyatsiya qilinadi.

4. Mavzular talabalarni jurnaldagi tartib raqami bo‘yicha beriladi. Birinchi topshiriqni bajarish uchun kalit so‘z sifatida mavzu nomlaridan foydalaniladi. Mavzu nomlari o‘zbek, rus va ingliz tillarida berilgan. Talaba tillarni bilish imkoniyatidan kelib chiqib GOOGLE internet resursidan foydalangan holda qidiruv ishlarini olib boradi. Maslahat: o‘zbek tilida internet ma’lumotlari kam bo‘lganligidan qidiruvni rus yoki ingliz tilida o‘tkazish mahsadga muvofiq. Topilgan materiallarni tarjima qilish uchun GOOGLE tarjimondan yoki “Lugat.exe” dasturidan yoki boshqa tarjimonlardan foydalanish mumkin.

Ikkinchi topshiriq electron qurilma loyihasini ishlab chiqish. Buni bajarish uchun “Mexatronika asoslari” fanidan amaliy va laboratoriya ishlarini bajarish uchun uslubiy ko‘rsatmadan foydalaniladi. Bundan tashqari kafedra profеssor-o‘qituvchilarining yordami ostida ikkinchi topshiriqni bajarish mumkin.