O‘zbekiston respublikasi oliy va o‘rta maxsus ta’lim vazirligi andijon davlat universiteti jismoniy madaniyat fakul’teti

«Universiada — 2002» sport o‘yinlari ishtirokchilariga 

Aziz o‘g‘il-qizlarim! 

Sizlarning  barchangizni  qadimiy  Buxoro  shahrida  bunyod  etilgan  mana  shu 

zamonaviy  va  muhtasham  sport  majmuida  O‘zbekiston  talaba  yoshlarining 

«Universiada  —  2002»  musobaqalarining  tantanali  ochilishi  munosabati  bilan  chin 

qalbimdan tabriklash menga alohida mamnuniyat baxsh etadi. 

Mamlakatimizda  ikkinchi  bor  o‘tkazilayotgan  ushbu  universiada  nainki  uning 

qatnashchilari,  balki  butun  xalqirniz,  avalambor,  yoshlarimiz  hayotida  yorqin  iz 

qoldiradigan muhim bir voqeadir. 

Bugungi  kunda  Vatan  taraqqiyoti,  yurt  tinchligi,  farovon  hayotga  erishish, 

xalqaro  maydonda  munosib  o‘rin  egallashdek  ezgu  maqsadlaiga  etish  yo‘lida  biz 

tayanchimiz  va  suyanchimiz  bo‘lmish  yoshlarimizga  beqiyos  orzu-umidlar  bilan-

qaraymiz. 

Biz  uchun  davlat  siyosati  darajasiga  ko‘tarilgan  ustuvor  vazifa  —nafaqat 

ma’naviy  etuk,  zukko  va  bilimdon,  shu  bilan  birga  sport  va  kurash  maydonlarida 

toblangan,  qiyinchiliklarni  engishga  qodir,  iroda  va  e’tiqodi  baquvat,  bellashuvlarda 

chiniqqan  mard  farzandlarni  tarbiyalash  —  bu  bir-birini  to‘ldiradigan,  bir-biridan 

ajralmas yagona maqsad bo‘lishi darkor. 

Jismoniy tarbiya va sport yurtimizning har qaysi shahar va qishlog‘iga, har bir 

xonadonga kirib borishiga erishish, shu asosda hayotimizda sog‘lom turmush tarzini 

qaror  toptirish  bizning  olijanob  orzu-intilishlarimizning  uzviy  bir  qismiga  aylanishi 

zarur. 

Shu  ma’noda,  «Umid  nihollari»,  “Barkamol  avlod”  va  «Universiada»  sport 

o‘yinlarini o‘z ichiga olgan uch bosqichdan iborat yaxlit tizimning amalga oshirilishi 

ana  shu  yo‘lda  qilayotgan  salmoqli  ishlarimizning  yaqqol  namoyoni,  desak,  hech 

qanday xato bo‘lmaydi. 

---

 

26 

Bu tizimning yuqori bosqichi bo‘lgan universiada, ta’bir joiz bo‘lsa, O‘zbekiston 

yoshlarining o‘ziga xos sport olimpiadasidir. 

Mana shu  unutilmas  daqiqalarda  siz  —  butun  borlig‘idan  kuch-g‘ayrat  yog‘ilib 

turgan  sog‘lom  va  navqiron  yoshlarimizning  ochiq  chehrangizga  boqib,  ushbu 

muazzam, zamonaviy stadionda sizlarning ming-minglab tengdoshlaringizni, sizlarga 

katta  havas  va  umid  bilan  qaratayotgan  barcha  o‘g‘il-qizlarimizni  ko‘rgandek 

bo‘laman va bunda ko‘pchilik qatori mening yuragim quvonch va g‘uruiga to‘lishini 

izhor etmoqchiman. 

Ertangi  umidimiz,  iftixorimiz  bo‘lgan  siz  kabi  yoshlarni  voyaga  etkazgan  ota-

onalaringizga,  hayotga  yo‘llanma  berayotgan  ustoz-murabbiylaringizga  samimiy 

minnatdorlik  bildiraman  va  sizlarga  qarata  yana  shuni  aytmoqchimanki,  bugun 

hayotga  qadam  qo‘yar  ekansiz  belni  qattiq  bog‘lab,  kurash  maydoniga  chiqayotgan 

ekansiz, oldingizga qo‘ygan marralaringiz doimo baland va yuksak bo‘lsin, irodangiz 

baquvat, ishonchingiz mustahkam bo‘lsin. 

Shuni  unutmangki,  sizlarning  ortingizda  har  qarich  tuprog‘i  mo‘tabar 

Vataningiz, bag‘rikeng, matonat va qudrat sohibi bo‘lmish xalqingiz bor.