О`zbekiston respublikasi oliy va o`rta maxsus ta`lim vazirligi andijon mashinasozlik instituti transport va logistika fakulteti «hayot faoliyati xavfsizligi»

Yong‘in o‘chirgichlari - tarkibidagi yong‘in o‘chirish moddasini purkash yo‘li bilan yong‘in o‘chog‘ini o‘chirish uchun ko‘chma va transportlanadigan qurilma. Bu yong‘in o‘chirishning eng ommaviy va qulay vositasidir. Ular bir qator ishlab chiqarishlarning texnologik jarayonlaridagi ish joylarida, turar uylarda, jamoat va sanoat inshootlarida, transportda va boshqa joylarda sodir bo‘ladigan yong‘inlarni o‘chirish uchun tavsiya qilinadi. Aynan shuning uchun, ular yong‘in o‘chirishning birlamchi vositalari bo‘lib hisoblanadi.
Yong‘indan saqlash xizmati kelguniga qadar, avtotransport va boshqa harakatlanuvchi mexanizmlarda sodir bo‘lgan yong‘inlarni o‘chirishda, birlamchi yong‘in o‘chirish vositalari ishonchli hisoblanadi.
Yong‘in o‘chirgich - tarkibidagi yong‘in o‘chirish moddasini purkash yo‘li bilan yong‘in o‘chog‘ini o‘chirish uchun ko‘chma va transportlanadigan qurilma hisoblanadi.
Qo‘llaniladigan yong‘in o‘chirish moddasining turiga qarab yong‘in o‘chirgichlarni bir yoki bir nechta yong‘inlarni sinf (A, В, С va E)larini o‘chirishda qo‘llash mumkin.
Yong‘in o‘chirgichlarning umumiy texnik talablari va parametrlarining xarakteristikasi, samarali o‘chirishni ta’minlash, “O‘zDST 1059:2010 Yong‘in texnikasi. Ko‘chma o‘t o‘chirgichlar. Umumiy texnikaviy talablar. Sinov usullari.” va “O‘zDST 2589:2012 Yong‘in texnikasi. Transportlanadigan yong‘in o‘chirgichlar. Umumiy texnikaviy talablar. Sinov usullari.” normativ - texnik xujjatlarida keltirilgan.
Yong‘in o‘chirgichlar quyidagi turlarga bo‘linadi:

1. 
   transpartirovka qilish usuliga ko‘ra: ko‘chma yong‘in o‘chirgich; transportlanadigan yong‘in o‘chirgichlar;
   
2. 
   yong‘in o‘chiruvchi moddalarning turiga ko‘ra: suvli yong‘in o‘chirgichlar;
   

ko‘pikli (havo-ko‘pikli, kimyoviy - ko‘pikli) yong‘in o‘chirgichlar;
kukunli yong‘in o‘chirgichlar;
gazli (uglekislotali, xladonli) yong‘in o‘chirgichlar.