O„zbekiston respublikasi oliy va o„rta maxsus ta‟lim vazirligi, andijon davlat tibbiot instituti

 
Qon surtmasini tayyorlash 
Surtma uchun yog‗sizlantirilgan, toza buyum oynalaridan foydalaniladi. Bu 
oynalar spirtli shisha ichiga solib saqlanadi. Oyna toza latta bilan quruq qilib 
artiladi, lekin uning yuziga barmoqlar tekkizilmaydi. Xuddi shunday ehtiyotlik 
bilan oynaning cheti barmoqdagi qon tomchisiga tarqaladi, bunda oyna yuzasi 
barmoq terisiga tegmasligiga qarab turish lozim. Shundan keyin oyna chap qo‗lning 
bosh va ko‗rsatkich barmoqlari bilan shunday ushlanadiki, toki qon tomchisi 
ko‗rsatkich barmoq yonida turadigan bo‗lsin. So‗ngra jilolangan qoplagich oyna tor 

---

313 
cheti bilan qon tomchisining chap tomonidan buyum oynasiga 45°C burchak ostida 
qo‗yiladi va asta sekin tomchiga yaqinlashtiriladi. Qon tomchisi qoplagich oyna 
qirrasi bo‗ylab tarqalganidan keyin bu oynani chaqqon va bir tekis xarakat bilan 
bosh barmoq tomonga suriladi. Yaxshi surtma yupqa, tekis va yuzasi mayin 
bo‗lishi kerak. Surtmani 2 ta tayyorlash tavsiya etiladi. Surtma qurib bo‗lgandan 
keyin, unga maxsus qalam bilan bemorning familiyasi yozib qo‗yiladi. 
Trombotsitlarni sanab ko‗rish uchun surtma olinayotgan bo‗lsa, bu holda unga bir 
tomchi magniy sulfat eritmasi tushirilgandan keyin igna sanchib teshiladi. 
Surtmalar shu eritma bilan aralashgan qondan tayyorlanadi. 
 
Siydikda o„t pigmentini aniqlash 
 
Bemor siydigi probirkaga 2-3 ml olinadi, unga 1% yod eritmasi tomiziladi. 
Agar yod siydik bilan aralashib ketsa, reaksiya manfiy bo‗ladi. Agar yod 
tomizilgandan so‗ng probirka devorida zangori xalqa hosil bo‗lsa, bu reaksiya 
musbat bo‗ladi. Bunda siydik tarkibida bilirubin borligi aniqlanadi. 
Virusli gepatitlarda bioximik tahlillar uchun 
qon olish texnikasi 
 
Bemorni ertalab nahorda tahlil uchun qon topshirish kerakligi aytiladi. Qon 
tirsak venasidan olinadi. Jgut bilan tirsak venasi bog‗lanib, shprits orqali 3-5 ml 
qon olinadi va probirkaga quyiladi. Olingan qon bioximik laboratoriyaga bemor 
haqidagi ma‘lumotlarni yozib jo‗natiladi.