O„zbekiston respublikasi oliy va o„rta maxsus ta‟lim vazirligi, andijon davlat tibbiot instituti

 Kechishi
. Tipik hollarda kasallik yengil kechadi. Tana xarorati 3-5 kuni 
me‘yorlashadi. Og‗ir turlarida toshmalar va xarorat kasallikni 7-10 kunigacha 
davom etadi. Po‗stloqchalar kasallikni 7-14 kuni ko‗chadi. Kamdan-kam hollarda 
po‗stloqchalar kasallikni 3-haftasida tushadi. Ularni o‗rnida yengil dog‗li 
pigmentatsiya, ba‘zida yengil chandiq qoladi.
Asoratlari
. Suvchechakda asoratlar suvchechak virusi yoki ikkilamchi 
mikroflora hisobiga bo‗ladi.
Maxsus asoratlar qatoriga suvchechak ensefaliti va meningoensefaliti, 
kamroq hollarda mielit, nevrit, miokarditlar kiradi.
MNS kasallikni birinchi kunlari, toshmalarni avjida kelib chiqishi mumkin. 
Bunda og‗ir umumiy holat, gipertermiya, shiddat bilan rivojlanuvchi umumiy miya 
belgilariga hos talvasa va xushning yo‗qolishi kasallikni 1-2 kunlari rivojlanadi, 
so‗ng ahvol bir oz yaxshilanib, o‗chog‗li belgilar va gemiparez kelib chiqadi. 
Kasallik odatda tekis kechadi. Bu asoratlar juda kam uchrab, suvchechakni 
og‗irligidan darak beradi.
Bundan tashqari, po‗stloqcha davrida ham ensefalit rivojlanishi mumkin, u 
ham og‗ir klinik belgilar bilan namoyon bo‗ladi, ammo kechishi tekis bo‗ladi. 

---

213 
MNS tomonidan yana yuz va ko‗z nervi paralichi, ko‗ndalang mielit, gipotalamik 
sindrom rivojlanishi mumkin. Suvchechakda Rey sindromi, chaqmoqsimon 
purpura, mio-, peri-, endokarditlar, gepatit, glomerulonevrit, keratit singari 
asoratlar ham uchrashi mumkin. 
Bakterial asoratlardan: flegmona, abssess, impetigo, bullyoz streptodermiya, 
yolin, limfadenit ko‗p uchrab turadi. Odatda bu asoratlar nimjon bolalarda, teri va 
shilliq qavatlarini gigienik saqlash buzilganida rivojlanadi. Og‗iz shilliq 
qavatlaridagi toshmalar stomatit, ko‗z shilliq qavatlaridagi konyuktivit va keratit 
bilan asoratlanishi mumkin. Kamroq hollarda zotiljam va krup sindromi 
rivojlanadi.