O’zbekiston respublikasi oliy va o’rta maxsus ta’lim vazirligi al-xorazmiy nomli

Odimchi kapalak qurtlarining ozuqaga ixtisoslashish kengligiga qarab guruhlanishi

Barcha o’rganilayotgan odimchi kapalaklar oilasi vakillarining rivojlanishi va ularning bioekologik xususiyatlari,kelib chiqishi hamda atrof muhitga moslanishi ularni ekologiyasi bilan chambarchas bog’liqdir.

Xorazm vohasi odimchi kapalaklari (Lepidoptera, Geomeytridae) faunasi xar bir turining ehtiyojidan kelib chiqqan holda ekologik guruhlarga ajratishga harakat qilindi. Ozuqaga ixtisoslashishiga qarab,V.V.Yaxontov, S.A.Sachkov, O.G.Nikonorova,mavsumiylik aspektlariga binoan S.A.Sachkov M.A.Xrisanova metodlaridan foydalanildi.[33]

Xorazm vohasining biologik xilma-xilligini saqlashda o’simliklar olamini o’rni beqiyos. Qolaversa, jamiyat ravnaqi uchun florani muhofaza qilish katta hayotiy va iqtisodiy ahamiyatga ega. Mutaxassislarning ta’kidlashicha, yer yuzida insonning tabiatga noto’g’ri munosabati oqibatida o’simliklarning ming yillar davomida tashkil topgan tabiiy manzarasi o’zgarib, qashshoqlashib, yashil olam o’zining ko’rkini yo’qotmoqda, tabiatning ekologik muvozanati buzilmoqda. Yana tabiiy maydonlar shiddat bilan o’zlashtirilyapti. Oqibatda o’simliklarning noyob, endemik turlari tabiatdan yo’qolib ketish xavfi ostida turibdi. Bu esa nafaqat o’simliklar genofondining kamayishi balki entomofaunaning ham kamayib ketishiga sabab bo’lmoqda. Tangachaqanotlilar qurtlarining ozuqaga ixtisoslashish kengligiga qarab tahlil qilish maqsadida ular asosan uchta guruhga ajratilgan .