O'zbekiston respublikasi oliy va o'rta maxsus ta'lim vazirligi alisher navoiy nomidagi samarqand davlat universiteti

Ilmiy tadqiqot metadologiyasi

Tadqiqot olib borish qoida va usullarini bilish fanda samarali ijod qilish imkoniyatini beradi. Murakkab ilmiy muammolar bilan shug`ullanishga kirishgan yosh kuchlarda tadqiqotchilik malakasi hali yetarli bo`lmaydi. Shu bois, ilmiy tadqiqot metadologiyasida ishlab chiqilgan qoidalar, tamoillar va uslubiy tavsiyalarni o`rganish ilmiy muammoni to`g`ri qo`yish, uni xal qilishga qaratilgan yondashuv va variantlarni oqilona tanlash yo`llarini ko`rsatadi. Shu xolatdan kelib chiqib, bu fanning maqsadini quyidagicha belgilash mumkin: ”Ilmiy tadqiqot metadologiyasi” fanning maqsadi:

• Ilmiy ijod qilish, yangi bilimga erishish yo`llari va usullari;
• Ilmiy axborotni izlash va qayta ishlash;
• Ilmiy muammoni ifodalash va baholash;
• Olingan ma’lumotlarning xolisligi va takrorlash mumkinligi asoslab beradigan me’yoriy talablar;
• Natija va xulosalarni amaliyotga joriy qilish qoidalari haqidagi bilimlarni berish.

Fan oldiga qo`yilgan maqsadda uning predmetiga kirgan muammolarni o`rganishi, olingan natijalardan nazariy va amaliy yo`nalishlarda foydalanish ifodalanadi. Shuning uchun izlanish maqsadini oqilona belgilash bilan fan predmeti xususida aniq tasavvurga ega bo`lisho`rtasida ma’lum bog`lanish mavjud.