O‘zbekiston respublikasi oliy va o‘rta maxsus ta‘lim vazirligi abu ali ibn sino nomidagi buxoro davlat tibbiyot instituti

 
 
 
9-savol. 
Lyumbal punksiya texnikasi 
 
Javob: 
Orqa miya kanalini punksiya qilish uchun bemor o'tirgan yoki o'ng yonboshi bilan 
yotgan bo‘lishi kerak. Birinchi holda bemor stulning suyanchig‘iga qaratib o'tqaziladi. 
Uning boshi oldinga egiladi, natijada bemorning umurtqa pog‘onasi yoy shaklida bukilib, 
orqa tomonga bo'rtib chiqadi. Bel punksiyasini bemor yotgan holda qilish uchun rasmda 
ko'rsatilganidek, u o'ng yonboshi bilan yotqiziladi. Boshi oldinga egiladi, oyoqlari esa 
chanoq-son va tizza bo‘g‘imlaridan bukilib, sonlari qoringa tegizib qo'yiladi. Ignani 
umurtqa pog‘onasining II-III yoki III-IV bel umurtqalari oralig‘iga sanchiladi, chunki 
orqa miya I bel umurtqasi sohasida tugallanadi.
Punksiya qilinadigan joyni aniqlash uchun bemorning ikkala spinae iliacae posteriores 
superiores-lari aniqlanadi, ularning ustiga yodli cho'p bilan chizilib, o'zaro tutashtiriladi. 
Chiziqning umurtqa pog‘onasi bilan kesishgan yeri taxminan Il-lV bel umurtqalarining 
ortki o'siqlari oralig‘iga to'g‘ri keladi.
Qo''lni cho'tka bilan sovunlab yuvib, spirt yoki yod eritmasi bilan tozalanadi. 
Punksiya qilinadigan joy aniqlangach, xloretil yoki 0,5 foizli novokain eritmasi 
yordamida punksiya o‘rni og‘riqsizlantiriladi. Chap qo'lning bosh barmog‘i bilan P-Sh, 
Sh-IV yoki IV-V bel umurtqalarining ortki o'siqchalari oralig‘i aniqlanib, maxsus 
mandrenli, sterillangan punksion igna bilan punksiya qilinadi. Punksiya qilayotganda, 
igna bemorning bosh tomoniga salgina qaratib turib, o'rta chiziqqa gorizontal holatda 
sanchiladi.
Ignaning uchi miya qattiq pardasiga borib yetgach, bir oz qarshilik seziladi. Miya 
qattiq pardasi teshilgandan so'ng qarshilik yo'qoladi, shu zahoti ignadan mandren 
chiqarilib, sterillangan probirkaga 3-6 millilitr miqdorida suyuqlik olinadi.