O‘zbekiston respublikasi oliy va o‘rta maxsus ta‘lim vazirligi abu ali ibn sino nomidagi buxoro davlat tibbiyot instituti

1.1.1.1. Miyada qon aylanishi yetishmovchiligining boshlang‘ich davri (MQAYeBD) 
Kasallikning bu turi dispanserizatsiya paytida aniqlanadi. MQAYeBDning taxminiy 
tashxisini boshning og‘rishi, boshning aylanishi, quloqlarning shang‘illashi, xotiraning 
pasayishi, uyquning buzilishi, mehnat qobiliyatining pasayishiga qarab qo‘yiladi. Tashxis 
qo‘yish uchun yuqorida aytib o‘tilgan shikoyatlardan hech bo‘lmasa ikkitasi yoki ko‘prog‘i, 
xususan miyada qon ta‘minotining kuchayishini talab qiladigan (uzoq davom etayotgan yoki 
tez-tez takrorlanadigan) sharoitda (masalan, zo‘r berib aqliy ish bilan shug‘ullanish, asab 
buzilishi, dim xonada) bo‘lishi kerak.
Nevrologik ko‘rikda bosh miyaning o‘chog‘li zararlanishi belgilari topilmaydi, chunki 
bunda miya gipoksiyasi hali kompensatsiya qilinadi va miya hujayralarida struktur o‘zgarishlar 
ro‘y bermaydi.
MQAYeBD tashxisini tasdiqlash uchun tomirlar patologiyasini aniqlashga imkon 
beradigan tekshirish usullaridan foydalanish kerak.