O‘zbekiston respublikasi oliy va o‘rta maxsus ta‘lim vazirligi abu ali ibn sino nomidagi buxoro davlat tibbiyot instituti

 
 
Reoensefalografiya. 
Reoensefalografiya (REG) deb, bosh miyada qon aylanishining holatini yozib olishga 
aytiladi. Bu usul miya to‘qimasidan o‘tayotgan elektr tokining o‘zgarishlarini qayd qilishga 
asoslangan. 
Bosh miyadan o‘tayotgan har bir puls to‘lqinidagi qon qarshiligi natijasida elektr toki 
o‘zgaradi va bu o‘zgarish ma‘lum bir shaklga ega bo‘lgan qiyshiq chiziq tarzida aks etadi. 

---

374 
Bu yegri chiziq o‘zining har bir fazasida bir oz yoziq holatda yuqoriga ko‘tarila 
boshlaydi ( 1 )ва ma‘lum bir darajaga yetgandan so‘ng ko‘tarilish to‘xtaydi. Chiziq egilib, 
tepalik (2) hosil bo‘lgandan so‘ng pastga tusha boshlaydi. Lekin shu ondayoq oldingidan 
kichikroq bo‘lgan ikkinchi ko‘tarilish (3) vujudga kelib, chiziq yana pastga tusha boshlaydi 
(5). Bu chiziq gorizontal asosga yotgandan keyin, yana so‘nggi fazaning ko‘tarilish chizig‘i 
boshlanadi.
Yurak qisqarganidan 0,25 sek. keyin REG ning birinchi ko‘tarilishi boshlanadi va bu 
narsa elektr tokining o‘tishiga nisbatan eng kuchli qarshilik paydo bo‘lganini anglatadi.
REG-ni o‘qishda ko‘tariluvchi chiziqning og‘ish burchagini va hosil bo‘lgan tepalik 
amplitudasini(4) aniqlash katta ahamiyatga ega. 
REG chizig‘i asosan ichki uyqu arteriyasida qon aylanishi holatini ko‘rsatadi. Normal 
fiziologik holatda puls to‘lqini ikki tomondagi uyqu arteriyasiga bir vaqtda, bir xil bosimda 
tarqaladi. Qon tomirlarining baravar kengayishi va bir xil sharoitda venalardan qonning bir 
me‘yorda oqib chiqishi natijasida REG chizig‘i bosh miyaning ikkala yarim sharida bir xil 
bo‘lib chiqadi. 
Basharti uyqu arteriyasi biror sababga ko‘ra bir tomonda toraygan bo‘lsa, shu 
tomondagi miya yarim sharlariga puls to‘lqini kechikib keladi. Buning natijasida REG chizig‘i 
har ikki miya yarim sharida bir vaqtda hosil bo‘lmaydi va amplitudasi har xil bo‘ladi. Arteriya 
toraygan tomondagi yarim sharlarga REG chizig‘i, birinchidan kechikib keladi, ikkinchidan, 
uning amplitudasi ham kamaygan bo‘ladi.
Hayvonlar ustida o‘tkazilgan tekshirishlarda uyqu arteriyasini qisib qo‘yib, qonning 
oqib o‘tishi to‘xtatilganda REG egri chizig‘i yo‘qoladi. Bosh miyada qon aylanishining 
holatini aniqlovchibu yangi usul katta ahamiyatga ega. Bu usul hayot uchun xavfli bo‘lgan
murakkab angiografiya usulining o‘rnini bosa oladi.
Bundan tashqari, REG usuli yordamida bosh miyada qon aylanishi dinamikasini ham 
tekshirish mumkin.