O‘zbekiston respublikasi oliy va o‘rta maxsus ta‘lim vazirligi abu ali ibn sino nomidagi buxoro davlat tibbiyot instituti

Oppengeym refleksi. 
Katta boldir suyagining yuqori qirrasidan bosh barmoq bilan bosib turib, 
barmoq pastga qarab yurgizilsa, bosh barmoq bukilib, qolgan barmoqlar yelpig‘ichday 
yoziladi. 
Gordon refleksi. 
Boldir mushaklari siqilganda, bosh barmoq yuqoriga bukilib, qolgan 
barmoqlar yelpig‘ichday yoziladi. 
Sheffer refleksi. 
Axill payi siqilganda, bosh barmoq yuqoriga bukilib, qolgan barmoqlar 
yelpig‘ichday yoziladi. 
Bukuvchi patologik reflekslar 
Rossolimo refleksi. 
Tekshiruvchi qo‘l barmoqlarining uchi bilan bemor kafti 2-5 barmoqlarini 
pastdan yuqoriga qarab astagina turtadi, bunda barmoqlar bukilib, yana yoziladi. 
Jukovskiy refleksi. 
Bemor oyoq kaftining o‘rta qismiga nevrologik bolg‘acha bilan urilganda, 
bunda barmoqlar bukilib, yana yoziladi. 
Bexterev refleksi. 
nevrologik bolg‘acha bilan oyoq panjasining tashqi yuzasiga urilganda, 
bunda barmoqlar pastga bukilib, yana yoziladi. 
Harakat –
bu murakkab reflektor jarayon bo‘lib, markazi bosh miya po‘stlog‘ida 
joylashgan. Harakat yuzaga kelishi uchun qo‘zg‘alish po‘stloqning harakat sohasidan to‘siqsiz 
muskulga berilishi kerak. Po‘stloqda hosil bo‘lgan impulslar piramida yo‘li orqali mushaklarga 
beriladi. Ixtiyoriy harakatning o‘tkazgich yo‘li 2 ta neyrondan iborat: markaziy va periferik.