O’zbekiston respublikasi oliy va o’rta maxsus ta’lim vaziligi

Fakultet dekani, kengashi raisi: __________ f.f.n.dots.Muhammadiyev A.
Kelishildi: O’quv uslubiy bo’lim boshlig’i________ G’aniyev M.
KIRISH
Ta’lim - tarbiya jarayonini har tomonlama zamonaviy talablar asosida tashkil etish va rivojlantirish har bir pedagogning muhim vazifasidir. Bu ko’nikmalarni shakllanishida bo’lajak pedagoglarni mustaqil ishlashga o’rgatish kelajakda sifatli kadrlarni tayyorlashda muhim omil bo’lib xizmat qiladi. Bu jarayonda talabani ilmiy-uslubiy faoliyatini debochasi sifatida kurs ishi tayyorlash jarayonini aytishimiz mumkin. Ushbu uslubiy ko’rsatma bo’lajak pedagoglar uchun kurs ishlarini tayyorlashda muhim yo’riqnoma bo’lib xizmat qiladi. “Kurs ishi mavzulari va uni bajarish bo’yicha” uslubiy ko’rsatma “Ta’lim to’g’risida”gi qonun, “Kadrlar tayyorlash milliy dasturi” hamda davlat ta’lim standartlari bo’yicha bakalavr darajasidagi malakali xorijiy tillarni o’qita oladigan pedagog mutaxassislar tayyorlash talablaridan kelib chiqib tuzilgan.
O’quv jarayonining uzluksiz jarayonlaridan biri-bu talabalarda mustaqil ishlash va nazariy bilimlarni puxta egallashga qaratilgan kurs ishini bajarish xisoblanadi. Kurs ishini bajarish jarayonida talabalar olgan bilimlarini mustahkamlash bilan bir qatorda pedagogik mahorat asoslarini, ta’lim munosabatlarini, ijtimoiy-pedagogik jarayonlarni, pedagogik ta’lim-tarbiya masalalarni, jamiyatdagi ta’lim jarayoni islohotlarni, ta’lim-tarbiya jarayonlarida ingliz tili faniga bo’lgan qiziqishlarini shakllantirish asoslarini hamda pedagogik maxoratning nazariy asoslari to’g’risida xulosalar chiqarish, pedagogik maxoratni shakllantirishning joriy muammolarini mo’ljalga olish uchun zarur bo’lgan ma’lumot (axborot)lar to’plash va ulardan foydalanish, ilmiy faoliyatini tashkil qilish, rivojlantirish ko’nikmasiga ega bo’lish, umumpedagogik ixtisoslik yo’nalishidagi fanlar bo’yicha bilimlarini kengaytiradilar, ixtisoslik bo’yicha adabiyotlarni chuqur o’rganadilar va o’zlarida ilmiy-tadqiqot ishlarini mustaqil bajarish qobiliyatlarini rivojlantiradilar
Ushbu uslubiy qo’llanma “Chet tillari o’qitishning integrallashgan kursi” fani bo’yicha yangi namunaviy o’quv dasturi va o’quv rejasi asosida tuzilgan bo’lib, unda ingliz tilini o’qitish metodikasi ta’limi yo’nalishida ta’lim olayotgan talabalarning kurs ishini bajarishi davomida amal qilishi lozim bo’lgan umumiy tartib-qoidalar, me’yorlar, tegishli ko’rsatma va maslahatlar berilgan. Uslubiy ko’rsatmani ishlab chiqishda mualliflar talabalarning nazariy bilimlarini amaliy jihatdan mustahkamlash, mustaqil fikrlash qobiliyatini shakllantirish va rivojlantirishni asosiy maqsad qilib qo’ygan.
“Chet tillari o’qitishning integrallashgan kursi” fanidan kurs ishlarini bajarish bo’yicha ko’rsatmada berilgan talablar kurs ishini hajmi, bo’limlari, mavzuning nazariy ahamiyatini yoritishdagi asoslari ko’rsatilgan bo’lib, mavzuning nazriy asoslarini yoritishdagi pedagogik talablarni o’z ichiga oladi.