O`zbekiston respublikasi oliy va o`rta maxsus ta’lim

Jadbal egasining tuzilishiga qarab statistik jadvallar uch turga bo`linadi:

• 
  oddiy;
  
• 
  guruhli;
  
• 
  va kombinatsiyali.
  

Oddiy jadval deganda jadvalning ega qismida o`rganilayotgan ob`ektlarlarning ko`rsatkichlari birma-bir ro`yxat ko`rinishida yozilgan jadvallar tushuniladi.
Guruhli jadval deganda jadvalning ega qismida o`rganilayotgan ob`ektlarning bir belgi asosida guruhlash natijalarini ifodalaydigan jadval tushuniladi.
Kombinatsiyali jadval deganda jadvalning ega qismida o`rganilayotgan ob`ektlarning ikkita va undan ortiq belgilari asosida guruhlash natijalarini aks ettiradigan jadvallar tushuniladi.
Statistik jadvallar ixcham va ko`rimli chiqishi uchun uni tuzishda quyidagi qoida va tartiblarga amal qilish kerak:
1. Jadvallar hajmi katta bo`lmasligi kerak. Murakkab to`plamlarni o`rganishda jadval hajmini kengaytirmasdan, yaxshisi ikki va undan ortiq o`zaro bog’langan jadvallar tuzish kerak. Jadvallar aniq, tushunarli va o`qishga oson ko`rinishda tuzilishi kerak.
2. Jadvalning umumiy nomi undagi ega va kesimlar mazmunini ifodalashi lozim, uni qisqartirib yozish mumkin emas.
3. Jadvalda bir-biri bilan bog’liq ko`rsatkichlar birin-ketin, soddadan murakkabga o`sib borish tartibida joylashtirilishi lozim.
4. Jadvaldagi ma`lumotlar mazmunini anglash oson bo`lishi uchun ularni bir xil aniqlik darajasi bilan butunlashtirib, kattaroq sonlar orqali ifodalash lozim.
5. Shartli belgilashlarga katta e`tibor berish kerak. Zarur bo`lganda ayrim ko`rsatkichlar yoniga yulduzcha yoki raqamlar qo`yilib, ularni qaerdan yoki qanday hisoblab olinganligi ilova tarzida berilishi kerak.
6. Hodisa sodir bo`lganligi to`g’risida ma`lumotlar bo`lmasa, jadvalda shu ko`rsatkich o`rniga «ma`lumot yo`q» yoki nuqtalar (…) qo`yiladi, agarda hodisa umuman sodir bo`lmagan bo`lsa, tire (-) belgisi bilan ifodalanadi. Jadvallarni tuzish texnikasi yaxshi egallansa, ularni o`qish va tushunish ishi ancha osonlashadi.
Jadvalni tuzishda ayrim kursatkichlar raqamlarini qisqartirb yozish mumkin, masalan kilometr (km), tonna (t), million (mln) va shu kabilar.