O‘zbekiston respublikasi oliy va o‘rta maxsus ta ’ lim vazirligi toshkent moliya instituti moliya-iqtisod fakulteti

 
Pasport budjet tashkiloti va muassasasining qayta tashkil etilishi yoki 
tugatilishi paytigacha amal qiladi.
 
Budjet mablag‘lari oluvchilari belgilangan shaklda to‘ldirilgan Pasportni 
kelishib olish uchun moliya organlariga (Moliya vazirligiga) taqdim etishlari shart.
 
Moliya organlari (Moliya vazirligi) ko‘rib chiqish uchun qabul qilingan 
Pasportlarning to‘liqligi va undagi ma’lumotlarning ishonchliligini, shuningdek 
belgilangan shakllarning o‘rnatilgan talablarga muvofiqligini tekshiradi, budjet 
muassasalari va tashkilotlari pasportlarini tasdiqlaydi, budjet muassasalari va 
tashkilotlari pasportlari reestrini shakllantiradi.
 
Yuqorida bayon etilgan barcha o‘zgarishlar, yangiliklar va mexanizmlar 
budjet mablag‘larining maqsadli sarflanishini ta’minlashga, budjet mablag‘larining 
ularning so‘nggi iste’molchilariga etib borish yo‘llarini osonlashtirishga, bu yo‘lda 
budjet mablag‘larining yo‘qolib ketishiga yo‘l qo‘ymaslikka xizmat qilishi 
shubxasiz.
 
 
3.2. Budjet tashkilotlarida buxgalteriya hisobini yuritishning 
avtomatlashtirilgan tizimini joriy qilish masalalari 
 
Davlat moliyasini boshqarishni isloh qilish strategiyasi qator yo’nalishlar 
bilan birgalikda, yangi budjet tasnifi va buxgalteriya hisobining yangi hisoblar 
rejasiga asoslangan yagona budjet va hisob tizimini yo’lga qo’yishni nazarda 
tutadi. Bu strategik vazifani bajarish doirasida budjet hisobining va budjet 
tashkilotlarida buxgalteriya hisobini yuritishning yangi, takomillashgan va 
kompyuterlashgan tizimi bosqichma-bosqich tatbiq etilmoqda. 

---

59
Davlat budjetini ijro etish jarayonida bo’ladigan budjet operatsiyalari hisobi, 
yuklatilgan vazifalardan kelib chiqqan holda, buxgalteriya hisobining quyidagi 
turlariga bo’linadi:
 

budjet (davlat budjeti (respublika va mahalliy budjetlar), davlat maqsadli 
jamg’armalari) ijrosi operatsiyalari hisobi; 

budjet tashkilotlari xarajatlar smetasini ijro etish operatsiyalari hisobi. 
O’zbekiston Respublikasi Budjet Kodeksining 24-bob, 161-moddasiga 
ko’ra, budjet hisobi budjet tizimi budjetlarini ijro etishda hisobga olinadigan, pulda 
ifodalangan aktivlar va majburiyatlarning, shuningdek mazkur aktivlar va 
majburiyatlarni o’zgartiruvchi operatsiyalarning holati to’g’risidagi axborotni 
to’plash, ro’yxatdan o’tkazish va umumlashtirishning tartibga solingan tizimidir.
 
Budjet hisoboti budjet hisobi ma’lumotlari asosida belgilangan shakllar 
bo’yicha tuziladigan aktivlar va majburiyatlarning holati to’g’risidagi 
ma’lumotlarning umumlashtirilgan tizimidir.
 
Budjet hisobi va budjet hisobotining yagona metodologiyasi O’zbekiston 
Respublikasi Moliya vazirligi tomonidan Budjet Kodeksi, Budjet hisobining 
standartlari, shuningdek boshqa qonun hujjatlariga muvofiq belgilanadi. Budjet 
hisobining standartlari O’zbekiston Respublikasi Moliya vazirligi tomonidan 
tasdiqlanadi.