O’zbеkistоn Rеspublikаsi Оliy vа o’rtа mахsus

Фанннинг мақсад ва вазифалари
Зоология фанини ўқитишдан мақсад талабаларга ҳайвонларнинг морфологияси, биологияси, экологияси, этологияси, филогенези, систематикаси ва зоогеографияси бўйича билим бериш. Зоология фани ҳайвонат дунёсини ўрганишда назарий ва амалий масалаларни ҳал этиб биологиянииг айрим йўналишларини ривожланиши учун асос бўлиб хизмат қилади. Зоология ҳайвонат оламининг хилма-хиллиги ва уни бир бутунлик сифатида ўрганиш ҳамда сайёрамиз миқёсидаги ҳаётий тизим тузилишига тегишли муҳим умумбиологик муаммоларни ҳал қилишда марказий ўринларда туради. Халқ хўжалиги ва амалиётда Зоология фанини услуб ва ютуқларидан фойдаланиш ёритиб берилади. Талабалар ҳайвонат олами қонунияларини ўрганиш асосида ҳайвон организмларининг кўпайиш усуллари, ўсиши, ривожланишини турли туманлиги, уларни морфологик, анатомик, физиологик ва экологик аспектларини ёритишда ушбу фанни аҳамияти нақадар катта эканлигига ишонч ҳосил қиладилар.
Фан бўйича талабаларнинг билим, кўникма ва малакаларига
қўйиладиган талаблар
«Зоология» фани бўйича бакалавр: фаннинг предмети, тарихи, мақсади ва вазифалари, фаннинг тадқиқот услублари, объекти, ҳайвонот олами биологик хилма–хиллиги , умумбиологик муаммолари, ҳайвонларнинг тузилиши, ҳаёт кечириши, тарқалиши ва кўпайиш усуллари, ривожланиши, турли туманлиги, уларни морфологик, анатомик, физиологик ва экологик аспектлари, ҳайвон организмларини умуртқали ва умуртқасизларга бўлиниши, бир ҳужайралилар ва кўп ҳужайралиларнинг систематик ўрни, хордалиларнинг келиб чиқиш назарияси, ҳайвонот дунёсидаги ўрни классификацияси, муҳим вакиллари ва уларнинг аҳамияти тўғрисида тасаввурга эга бўлиши;
Ҳайвонот оламининг биологик хилма-хиллигини, ҳайвон организмлариниг кўпайиш усуллари, ўсиши ва ривожланишини, умуртқали ва умуртқасиз ҳайвонлар классификациясини, кўп ҳужайралиларнинг келиб чиқиш назарияларини, фаннинг халқ хўжалиги, тиббиёт муаммоларини ҳал қилишда тутган ўрнини билиши ва улардан фойдалана олиши;
Ҳайвонларни аниқлаш, ўрганиш ва кузатувлар олиб боришда керакли асбоб-ускуналардан фойдаланиш, турли ҳайвонларни йиғиш, кузатиш, ички ва ташқи тузилишини ўрганиш, ноёб ҳайвонларни муҳофаза қилиш, улардан оқилона фойдалана олиш, ҳайвонларни тургача аниқлаш, зарарли турларига қарши курашни тўғри ташкиллаштириш кўникмаларига эга бўлиши керак.