Солиқ ҳисобининг объекти ва предмети

6. Kichik biznes korxonalari tomonidan O’zbekiston yoshlarining "Kamolot" ijtimoiy harakatini rivojlantirish jamg’armasi majburiy to’lov hisobi.
O’zbekiston Respublikasi Vazirlar Mahkamasining 2001 yil 30 maydagi 1240-son qarorida tasdiqlangan “Hisoblangan yagona soliq to’lovi summasining 5 foizini O’zbekiston yoshlarining "Kamolot" ijtimoiy harakatini rivojlantirish jamg’armasiga o’tkazish tartibi to’g’risida”gi Nizomiga asosan kichik biznes korxonalari (savdo korxonalaridan tashqari) tomonidan o’zaro qo’llab-quvvatlash to’g’risidagi shartnomalarga muvofiq O’zbekiston yoshlarining "Kamolot" ijtimoiy harakatini rivojlantirish jamg’armasiga yagona soliq to’lovi hisoblangan miqdorining 5 foizini o’tkazadilar. Mazkur to’lov davlat byudjetiga majburiy to’lovlarga tenglashtirilgan.

Kichik biznes korxonalari "Kamolot" ijtimoiy harakatini rivojlantirish jamg’armasiga mablag’larni yagona soliq to’lovini to’lash uchun belgilangan tartibda va muddatlarda o’tkazadilar. Jamg’armaga o’tkazilishi kerak bo’lgan mablag’lar soliq organlariga taqdim etiladigan yagona soliq to’lovi bo’yicha hisob-kitoblarda alohida satrda aks ettiriladi.

O’zaro qo’llab-quvvatlash to’g’risida shartnomalar tuzgan kichik biznes korxonalari ikkita to’lov topshiriqnomasini rasmiylashtiradilar.