O’zbеkistоn rеspublikаsi оliy vа o’rtа mахsus tа’lim vаzirligi nizоmiy nоmidаgi tоshkеnt dаvlаt pеdаgоgikа univеrsitеti

Анкета методи. Оила муаммолари юзасидан олиб борилаётган илмий тадқиқот жараёнида анкета методи ёрдамида кузатиш ҳамда суҳбат жараёнида тўпланган далиллар бойитилади. Муаммо юзасидан тузилган саволлар асосида респондентлар билан мулоқотни ташкил этиш анкета методига асосланади. Одатда анкета саволларига жавоблар ёзма ҳолда олинади. Ўрганилаётган жараён моҳиятидан келиб чиққан ҳолда анкета очиқ ёки ёпиқ саволлардан ташкил топади. Очиқ саволларга асосланган анкета респондентларнинг муаммо юзасидан эркин, батафсил жавоб беришлари учун имкон берадиган саволлардан таркиб топади. Ёпиқ саволларга эга бўлган анкета билан ишлашда эса респондентлар “ҳа”, “йўқ”, “қисман”, “ижобий”, “қониқарли”, “салбий” ва ҳ.к. тарздаги жавоб вариантларидан бирини танлайдилар.
оила масалаларига бағишланган илмий тадқиқот ишлари жараёнида анкета методини қўллашда қуйидаги шартларга амал қилиш талаб этилади:

1. 
   саволлар тадқиқ этилаётган оилавий муаммо моҳиятини ёритишга хизмат қилиши лозим;
   
2. 
   саволлар йирик ҳажмли, ноаниқ бўлмаслиги керак;
   
3. 
   саволлар оилавий муҳитнинг хусусиятларини инобатга олиш асосида тузилиши зарур;
   
4. 
   саволлар респондентлар томонидан бериладиган жавобларнинг тўла бўлишини таъминловчи вақтни кафолатлай олиши зарур;
   
5. 
   саволларни тузишда оиланинг ўзига хослиги инобатга олиниши зарур;
   
6. 
   жавоблар муайян мезонлар асосида пухта таҳлил этилиши шарт.
   

Тест методи. Илмий тадқиқот методларидан яна бири бу тест методидир. Ушбу метод орқали оила масалалари юзасидан илмий тадқиқот жараёнида респондентлар томонидан мавжуд назарий билим, амалий кўникма, малакалар даражасини аниқлашга хизмат қилади. Тест методи:

1. 
   очиқ турдаги тестлар;
   
2. 
   ёпиқ турдаги тестлар;
   
3. 
   тўғри жавоб вариантлари қайд этилган саволлардан иборат бўлади.
   

Методнинг афзаллиги жавобларнинг аниқ мезонлар бўйича таҳлил этиш имконияти мавжудлиги, вақтнинг тежалиши билан тавсифланади.