O'zbekiston respublikasi oliy va o'rta mahsus ta'lim vazirligi cm. Mustafayev, O'. A. Ahmedov, M. S. Mustafayeva, M. T. Yulchiyeva

Амалий машғулот учун
Зарур материаллар:
Олма (Malus silversii), гунафша (Viola occulta), қоқи (Taraxakum oficicinali) арпа (Hordeum sp), маккажўхори (Zea mays), узум (Vitis vinefera), қарағай (Pinus silvestris), буғдой (Triticum vulgaris), тол (Salix alba), зубтурум (Plantogo major), печак (Convolvulus subhirsutus), қоқиўт (Taraxacum officinale) анжир (Ficus cariaria), айиқтовон (Ranunculus acer), сабзи (Daucus carota), итбурун (Rosa canina), оқ шўра (Chaenopodium album).
Топшириқ.

1. 
   Бандли, бандсиз ва новли баргларни ўрганинг.
   
2. 
   Барг томирланишини ўрганинг
   
3. 
   Кенг тарқалган оддий бутун барглар билан танишинг.
   
4. 
   Барг шапалоғи бўлмали барглар билан танишинг ва фарқли белгиларининг тавсифини ёзинг.
   
5. 
   Мураккаб баргларнинг шакл тузилиши билан танишинг. Расмини чизинг ва тавсифини ёзинг.
   
6. 
   Оддий барг, мураккаб барг ва барг томирларининг турли хил шаклларини ёзинг суратини чизинг ва тавсифи батафсил ёзинг.
   

Ишнинг бориши
Амалий машғулотда ўсимликларнинг турли хил шаклдаги барглари ўрганилади. Бунинг учун, авваламбор, бандли оддий барглар, хусусан, қиличсимон (гулсафсар), ланцетсимон (тол), тухумсимон (зубтурум), аввал (нок), тескари тухумсимон (олча), юраксимон (липа), буйраксимон қалқонсимон (настурция)кабиларни обдон кузатиб, сурати чизилади ва тескари тухумсимон (олча барги), ва ҳокозо шакллар белгиланади. Шундан сўнг оддий, бандли, барг шапалоғининг тузилиши, хусусан, ўйма барг, патсимон кесик барг ва бошқаларнинг шакл тузилишини обдон кузатиб, сурати чизилади. Кейин мураккаб барглар, хусусан, уч япроқли барг (себарга), панжасимон мураккаб барг (канопля), тоқ патсимон мураккаб барг (горох-лобия), такрорий жуфт патсимон мураккаб барг (акация?) қўштакрорий патсимон мураккаб барг тоқ патсимон мураккаб баргларнинг барг банди ва барг шапалоғининг морфологик тузилиши обдон кузатилиб, сурати чизилади. Шу тариқа оддий ва мураккаб баргларнинг морфологик тузилиши тўлиқ ўрганилгач, баргнинг томирланишини ўрганишга ўтилади. Бунда оддий (элодея, плаун, пихта), параллел (маккажўхори, арпа), элаксимон (олма), панжасимон (узум) томирланиш ўрганилиб, сурати чизилади. Иш охирида барг шапалоғи четининг тузилиши, хусусан, барг чети аррасимон, қўштакрорий аррасимон, тишсимон, деворсимон, бўртма шаклидаги барг чети ўрганилиб, сурати чизилади ва юқорида номи келтирилган баргларнинг тависфи батафсил ёзилади.