O’zbekiston respublikasi oliy va o’rta- maxsus ta’lim vazirligi

Qovoqni o‘stirish texnoligiyasi

Yerni tanlash-tayyorlash. Poliz ekinlarini ekishga tayyorgarlik ko‘rishda kuzgi shudgor muhim o‘rin tutadi. Poliz ekinlarini ekishda tuproqning mexanik va kimyoviy tarkibi, unumdorligi muhim ahamiyatga ega. Poliz ekinlari havo va namlikni yaxshi o‘tkazadigan g‘ovak tuproqlarda organik va ma’dan o‘g‘itlarga boy bo‘lgan yerlarda yuqori hosil beradi. Yangi o‘zlashtirilgan qo‘riq va bo‘z yerlarda ham poliz ekinlaridan yuqori hosil olinadi.
Kuzda yerni 30—35 sm chuqurlikda haydash uchun to‘rt korpusli PLCh-4- 35 osma plug yoki 40 sm chuqurlikda haydash uchun ko‘p yarusli 4 korpusli chuqur haydagich PD-4-35 pluglardan foydalaniladi.
Kuzda yerni shudgor qilguncha dalani yumshatishdan oldin VKS-1,8 mashinasi yordamida ko‘p yillik begona o‘tlarning ildizlari tirmalab yig‘ishtiriladi. So‘ngra GN-2,8 rusumli greyder ya’ni tekislagich yordamida buzilgan egatlar va pushtalar tekislanadi.
YOmg‘irdan keyingi namlikni saqlab qolish uchun bahorda yerni 6—8 sm chuqurlikda yumshatiladi.
ChKU-4 rusumli kultivator bilan urug‘larni ekishdan oldin yerni 18—20 sm chuqurlikda chizel qilinadi. Agarda yer notekis bo‘lsa, u holda dalani VP-8 rusumli greyder yordamida tekislanadi.
O‘g‘itlash. Qovoq ekiladigan bo‘z tuproqli yerlarga sof holdagi azotdan 100—150, fosfordan 100—150, kaliydan 50 kg/ga, o‘tloqi
tuproqlarga azotdan 80—100, fosfordan 100—120 va kaliydan 50—60 kg/ga hamda har gektar maydonga 15—20 t dan go‘ng yoki kompost solinadi. Fosforning yillik me’yorini 75% i, go‘ng va kaliy o‘g‘itining hammasi kuzgi shudgordan oldin, azotli o‘g‘itning 50% i ekishdan yoki ekish bilan birgalikda, qolgan 50% i esa o‘simliklar 3—4 ta chin barg hosil qilganda solinadi.