O’zbekiston respublikasi oliy va o’rta- maxsus ta’lim vazirligi

Dorivor preparatlari. Moychechak gulidan (savatchalardan) damlama tayyorlanadi. Savatchalar me’da kasalliklarida, tomoq chayqashda ishlatiladigan va yumshatuvchi yig‘malar — choylar tarkibiga ham kiradi.

Moychechak o‘simligini o‘stirish texnologiyasi

Nihollarni biologik xususiyatlari: moychechak urug‘larini unishi 6— 7°S dan boshlansa-da, optimal harorat 20—25°S hisoblanadi. Agar urug‘lar ekilgandan so‘ng namlik yetarli bo‘lmasa, urug‘lar uzoq vaqtgacha unmasligi mumkin. Bu vaqtda urug‘ ekilgan maydonlar sug‘oriladi.
Nihollar unib chiqqandan so‘ng (namlik va havoning harorati normal darajada bo‘lganda) 20—40 kunda har bir niholda 6—10 tadan rozetka barglari o‘sib chiqadi. Kuzda ekilgan nihollar shu holda qishlaydi.
Erta bahorda ekilgan nihollardan aprel oyining birinchi o‘n kunligida 7—9 tadan rozetka barglari o‘sib chiqadi. Mart-aprel oyi davrida bahorning sel yomg‘ir kelishi natijasida rozetka barglari tez o‘sishi va yiriklashishi natijasida o‘simlik o‘rtasida poyani o‘sib chiqishi va shoxlanishi kuzatiladi. O‘simlikning namlik bilan yaxshi ta’minlab borilsa, havo haroratining ko‘tarilib borishi natijasida may oyining birinchi o‘n kunligida dastlabki gullar ochiladi. Umuman olganda bahorda ekilgan urug‘lardan 30—50 kunda dastlabki gullarni ochilishini ko‘ramiz. Kuzatishlar shuni ko‘rsatdiki, o‘simlik poyalarida endigina paydo bo‘lgan gunchalardan 10—12 kunda gullar ochilishi mumkin. SHubhasiz bunga havoning harorati, tuproq namligi va tuproqdagi oziqa elementlar muhim rol o‘ynaydi.
Kunlarning issiqligi va tuproq namligiga qarab, o‘simlikdagi bitta savatcha 5—6 kun ochilib turishi mumkin. Havoning harorati o‘rtacha 19— 21°S bo‘lganda gullarni yaxshi ochilishi kuzatilgan. Haroratning 30°S dan ortishi gullarning ochilishiga salbiy ta’sir etishi bilan birga ularning maydalashishiga olib keladi. Gullarni ochilishida yorug‘lik ham muhim ahamiyatga ega. Havoning bulutsiz ochiq bo‘lib turishi gullarni tez ochilishiga yordam beradi.