O‘zbekiston respublikasi oliy

Tasvirlarni kadrlash va ularda shakl almashtirish amallarini bajarish

Ko`pincha fotosuratlarni olishda kadrga ortiqcha narsalar ham tushib qoladi va ularni kadrdan olib tashlashga to`g`ri keladi. Bunda fotosuratning chet tomonlarini qirqib tashlash kerak. PhotoShopda bu maxsus uskuna ramka deyiladi. Uni klaviaturadagi С harfini yoki uskunalar satridagi tugmani bosib faollashtirish mumkin.

Ramkaning to`rt tomoni va to`rtta burchagidagi markerlardan zarurini sichqoncha bilan sudrab, ramkaning o`lchamlarini o`zgartirish mumkin. Kerak bo`lsa, ramkani markazi atrofida burishimiz mumkin. Buning uchun sichqonchani ramkaning biror burchagiga tashqi tomondan yaqinlashtiramiz. Sichqoncha kursori aylana yoyi ko`rinishiga kelgach, chap tugmasini bosib turib, ramkani buramiz.

6.2.18-rasm. Rasmni belgilab ramkaga olish usuli tanlash

6.2.19-rasm. Rasm burish.
PhotoShopda ko`pincha bir nechta rasmlardan yangi rasm yaratishga to`g`ri keladi. Bunda tasvirlarning o`lchamini kichiklashtirish yoki kattalashtirish, ularni burish, o`girish, qiyalashtirish, qiyshaytirish kabi amallami bajarishga to`g`ri keladi. Bu amallar shakl o`zgartirish amallari deb ataladi. Bu kabi amallar bilan kadrlashga bag`ishlangan mashqlarda tanishib chiqqan edik. Lekin u yerda bu amallardan bir nechtasi bir paytda bajarilar va ularni dasturning o`zi tanlab bajarar edi. Bu esa har doim ham aniq va kutilgan natijaga olib kelmaydi. Shakl o`zgartirish amallari asosiy menyuning Редактирование bo`limidagi Трансформирование (Shakl o`zgartirish) bandida joylashgan. Yangi menyuda o`n ikkita band bo`lib, ular quyida keltirilgan:

1. 
   Применить снова (qayta qo`llash) - oxirgi shakl o`zgartirish amalini yana bir marta qo`llaydi.
   
2. 
   Масштабирование (o`lchamini o`zgartirish) – tasvir bo`lagi o`lchamlarini o`zgartiradi.
   
3. 
   Поворот (Burish) - tasvir bo`lagini ixtiyoriy burchakka buradi.
   
4. 
   Наклон (Qiyalash) - tasvir bo`lagini gorizontal yoki vertikal yo`nalishda qiyalaydi.
   
5. 
   Искажение (Nochiziqli o`zgartirish) - tasvir bo`lagini to`rtburchak ko`rinishida tanlangan sohani qoplaydigan qilib o`zgartiradi.
   
6. 
   Перспектива (Perspektivani o`zgartirish) - suratga olish nuqtasini o`zgartiradi.
   
7. 
   Деформация (Qayta shakllantirish) - tasvir bo`lagini cho`zish bilan qayta shakllantiradi.
   
8. 
   Поворот на 180° (180°ga burish) - tasvir bo`lagini 180° ga buradi.
   
9. 
   Поворот на 90° по часовой (Soat mili bo`ylab 90°ga burish).
   
10. 
    Поворот на 90° против часовой (Soat miliga teskari 90°ga burish).
    
11. 
    Отразить по горизонтали (Gorizontal o`girish) - tasvir bo`lagini gorizontal yo`nalishda o`giradi.
    
12. 
    Отразить по вертикали (Vertikal o`girish) - tasvir bo`lagini vertikal yo`nalishda o`giradi.
    

6.2.20-rasm. Shakl o`zgartirish.

Shakl o`zgartirishlarda yana asosiy menyuning Редактирование (Tahrirlash) bo`limidagi Свободное Трансформирование (Erkin shakl o`zgartirishlar) (Ctrl+T) amalidan ham keng foydalaniladi.