O`zbekiston respublikasi oliy ta’lim vazirligi andijon mashinasozlik instituti mashinasozlik texnologiyasi fakulteti «Texnologik mashina va jixozlar»

Olovbardosh po’latlar. Bu guruhga X25T, X28, X23N18, X23N13, X20N14S2, X25N20S2 va boshqa po’latlar kiradi. Agar payvandlanuvchi buyumlar 1150S gacha haroratlarda ishlatiladigan bo’lsa, (oltingururt gazi bo’lmagan muhitlarda va siklik o’zgarishlar bo’lmaganda) X25T va X28 po’latlari OZL-6 elektrodlari bilan qisqa yoy yordamida payvandlanadi. Metall chetlari payvandlashga faqat mexanik usulida tayyorlanadi. Ferrit faza miqdori 2,5 dan 10% gacha bo’ladi. Agar payvandlanadigan buyumlar 850 S haroratdan yuqori haroratlarda ishlatiladigan bo’lsa, X23N18 X25T va X28 po’latlarni StL-25 elektrodlari bilan payvandlanadi. Kengligi elektrod diametridan uch martadan ortiq bo’lmagan valiklar tarzida payvandlanadi. Kraterlarni qisqa tutashuv yo’li bilan to’ldiriladi. Ferrit miqdori 3 dan 9% gacha bo’ladi.

900-1100 S gacha haroratlarda ishlatiladigan X25T, X28, X23N13, X23N18 po’latlarn iOZL-4 elektrodlari bilan eng qisqa yoy vositasida payvandlaniladi. Chetlarni faqat mexanik usulda payvandlashga tayyorlanadi. Ferrit faza 2,5 dan 8% gacha bo’ladi.

Oksidlovchi va uglegodlanuvchi muhitlarda 900-1050 S haroratlarda ishlaydigan X23N13, X23N18 po’latlari OZL-9A elektrodlari bilan payvandlanadi. Bu po’latlarni payvandlashda kraterlarda yoriqlar paydo bo’lmasligiga aloxida axamiyat berish kerak. Ferrit choklari kristallitaro korroziyaga unchalik chidamli emas.

1050 S gacha haroratda ishlaydigan X20N14S2, X25N20S2 po’latlariGS-1 elektrodlari bilan payvandlanadi (birinchi qatlam). Eritilgan metalning olovbardoshligi 1150 S.

900-1100 S haroratda ishlaydigan X20N14S2, X25N20S2 po’latlar OZL-5 elektrodlari bilan payvandlanadi. Chetlari payvandlashga faqat mexanik usulda tayyorlanadi. Payvand choklari issiq yoriqlar paydo bo’lishiga qarshi chidamli. 900-1100 S haroratda ishlatiladigan X20N14S2 po’lati StT-17 elektrodlari bilan payvandlanadi, bunda juda katta kenglikda-elektrod diametridan 3 martadan katta bo’lmagan choklar solib payvandlanadi.