O‘zbekiston respublikasi oliy ta’lim, fan va innovatsiyalar vazirligi farg‘ona politexnika instituti «Menejment»

Korxona boshqaruvida vazifalar taqsimoti.
Korxonaning tashkiliy tuzilmasiga ko‘ra barcha bo‘g‘inlarga (boshqarma, tsex, bo‘lim, bo‘linma va xokazo) konkret vazifalar yuklatiladi. Yuklatilgan vazifalar, bo‘g‘inning xuquq va majburiyatlari, bo‘g‘in raxbariga qo‘yiladigan talablar bo‘g‘inning Nizomida aks ettiriladi. Bo‘lim (tsex) Nizomi bo‘lim boshlig‘i va xodimlari tomonidan ishlab chiqiladi hamda korxona xodimlar bilan ishlash bo‘limi, kasaba uyushmasi, mexnat muxofazasi bo‘limlari tomonidan kelishilgan xolda korxona raxbari tomonidan tasdiqlanadi.
Bo‘lim Nizomi quyidagi qismlardan iborat bo‘ladi:

• 
  Umumiy qoidalar;
  
• 
  Bo‘lim vazifalari;
  
• 
  Bo‘lim tarkibi;
  
• 
  Bo‘lim majburiyatlari;
  
• 
  Bo‘lim xuquqlari;
  
• 
  Boshqa bo‘limlar bilan munosabatlari;
  
• 
  Javobgarligi.
  

Korxona boshqaruv bo‘g‘inlari Nizomidan tashqari har bir raxbarning va xodimlarining Xizmat yo‘riqnomalari ishlab chiqiladi. Xizmat yo‘riqnomalari bo‘lim tomonidan ishlab chiqiladi, xodimlar bilan ishlash bo‘limi, mexnat muxofazasi bo‘limi va kasaba uyushmasi tomondan kelishiladi hamda korxona raxbari tomonidan tasdiqlanadi. Xizmat yo‘riqnomalarida quyidagi masalalar yoritilishi kerak bo‘ladi:

• 
  Umumiy qoidalar;
  
• 
  Xodimning vazifalari va majburiyatlari;
  
• 
  Xodimning xuquqlari;
  
• 
  Xodimning javobgarligi.
  

Xizmat yo‘riqnomalari va bo‘limlar Nizomlaridagi talablardan kelib chiqib ishga qabul qilinayotgan xodim bilan mexnat shartnomalari tuziladi.
Boshqaruv jarayonini amalga oshirishda lavozimlarning o‘zaro munosabatlari.
Boshqaruv jarayonini korxonadagi barcha bo‘limlar bilan birgalikda amalga oshiriladigan jarayon deb qaralishi kerak. Bu yerda menejment sub’ekti deb boshqaruv jarayonida ishtirok etayotgan shaxs yoki shaxslar tushuniladi. Menejment ob’ekti esa menejment sub’ekti ta’sir ko‘rsatayotgan barcha jarayonlar va unsurlardir. Menejmentning sub’ekti va ob’ekti birgalikda korxonaning boshqaruv tizimini tashkil qiladi.
SHu sababdan har bir boshqarma, tsex, bo‘li va bo‘linmalar o‘rtasidagi munosabatlarni belgilovchi va tartibga soluvchi tizim o‘rnatilishi kerak. Bu tizim har bir bo‘g‘inning umumiy boshqaruvdagi o‘rni, vazifalari va majburiyatlari aniq belgilanib beriladi. Bunday xujjatlar korxona standartlariga kiritiladi va tasdiqlanadi.
Bir bo‘lim yoki tsexning ichidagi jarayonlarni tartibga solish, bo‘lim xodimlarini o‘zaro munosabatlarini belgilash o‘sha bo‘g‘inning Nizomi va Xizmat yo‘riqnomalari bilan belgilanadi.