O‘zbekiston Respublikasi Oliy Majlisi Qonunchilik palatasining



[OKOZ:

1.01.00.00.00 Konstitutsiyaviy tuzum / 01.14.00.00 Davlat organlarining huquq ijodkorligi faoliyati / 01.14.02.00 Qonunchilik tashabbusi]

[TSZ:

1.Davlat va jamiyat qurilishi / Qonunchilik tashabbusi. Norma ijodkorligi faoliyati]

O‘zbekiston Respublikasi Oliy Majlisi Qonunchilik palatasining

qarori

“O‘zbekiston Respublikasining Fuqarolik protsessual kodeksi, O‘zbekiston Respublikasining Iqtisodiy protsessual kodeksi va O‘zbekiston Respublikasining Ma’muriy sud ishlarini yuritish to‘g‘risidagi kodeksiga o‘zgartishlar kiritish haqida”gi QL-437-sonli O‘zbekiston Respublikasi qonuni loyihasi to‘g‘risida

O‘zbekiston Respublikasi Oliy Majlisining Qonunchilik palatasi qaror qiladi:

1. O‘zbekiston Respublikasi Konstitutsiyaviy sudi tomonidan 2018-yil 22-noyabrda kiritilgan “O‘zbekiston Respublikasining Fuqarolik protsessual kodeksi, O‘zbekiston Respublikasining Iqtisodiy protsessual kodeksi va O‘zbekiston Respublikasining Ma’muriy sud ishlarini yuritish to‘g‘risidagi kodeksiga o‘zgartishlar kiritish haqida”gi QL-437-sonli O‘zbekiston Respublikasi qonuni loyihasi ikkinchi o‘qishda qabul qilinsin.

2. O‘zbekiston Respublikasi Oliy Majlisi Qonunchilik palatasining Qonunchilik va sud-huquq masalalari qo‘mitasi qabul qilingan tuzatishlarni hisobga olgan holda mazkur qonun loyihasini bir oy ichida maromiga yetkazsin va uchinchi o‘qishda Qonunchilik palatasi muhokamasiga kiritsin.

3. Ushbu qaror qabul qilingan kundan e’tiboran kuchga kiradi.

O‘zbekiston Respublikasi Oliy Majlisi Qonunchilik palatasi Spikeri N. ISMOILOV

Toshkent sh.,

2019-yil 7-yanvar,

2288-III-son