O’zbekiston respublikasi navoiy kon-metallurgiya kombinati navoiy davlat konchilik instituti

Amaliy mashg’ulot № 10
Ikki bosqichli yanchishning shlam sxemasini hisoblash
Suv sarfi sxemasini loyihalashning maqsadi jarayonlardagi suyuqlikning qattiq zarrachalarga (S:Q) nisbatini, jarayonlarga qo'shiladigan va buning aksicha mahsulotlardan ajralib chiqadigan suvning miqdorini, sxemalardagi mahsulotlar uchun S:Q nisbatini, boyitish fabrikasining suvga bo'lgan umumiy ehtiyojini aniqlash va suv bo'yicha muvozanat tuzishdan iborat.
Sxemani hisoblash uchun quyidagi belgilashlarni kiritamiz.
R_n– suyuqlikning qattiq zarrachalarga nisbati, son qiymati (m³ suv/1 t qattiq zarrachaga teng);
W_n– jarayon yoki mahsulotdagi suvning miqdori, (m³/ vaqt birligida);
L_n– jarayon yoki mahsulotga qo’shiladigan suvning miqdori, (m³/ vaqt birligida);
S_n– mahsulotning namligi, %;
δ_n– mahsulotdagi qattiq zarrachalarning zichligi, t/m³;
V_n– bo’tana hajmi (m³/ vaqt birligida);
L_n– alohida jarayonlarga qo'shiladigan toza suvning sarfi, m³/ t;


;
Suv sarfi sxemasi quyidagi tartibda hisoblanadi
1. Dastlabki ko'rsatkichlarning son qiymati belgilanadi.
2. Yordamchi jadval tuziladi va sifat sxemasidan mahsulotlarning og’irligi va dastlabki ko'rsatgichlar yoziladi.
3. W_n=R_n Q_n formula orqali dastlabki ko'rsatgichlar bo'yicha R ning qiymati, ma'lum mahsulotlar va jarayonlar uchun suvning miqdori hisoblanadi va yordamchi jadvalga yoziladi.
4. Muvozanat tenglamalari orqali alohida mahsulotlarga qo'shiladigan suvning miqdori aniqlanadi va bir vaqtning o'zida sxemaning barcha mahsulotlaridagi suvning miqdori aniqlanadi.
5. (9) formula orqali R_n ning qiymati aniqlanadi.
6. (12) formula orqali hamma mahsulotlar va jarayonlar uchun bo'tananing hajmi hisoblanadi.
7. Suv sarfi sxemasini hisoblashning natijalari jadval va grafik tarzida beriladi.
8. Boyitish fabrikasi bo'yicha suv muvozanati tuziladi.