O„zbekiston respublikasi navoiy kon-metallurgiya kombinati navoiy davlat konchilik instituti

12.3. Loyixalashtirish usullariga talablar
Loyihalash usullarini tanlash quyidagi asosiy mezonlar orqali bajarilishi shart:
a) loyihalashtirish sifati.
b) loyihalashtirish qiymati.
v) ishlab chiqarish muddati.
g) band bo„lgan ishlab chiqaruvchi mutaxassislar soni.
a) va g) mezonlarning eng yaxshi natijalari tejamkorlik, aniqlik, universal uslublarni qo„llash imkonini beradi.
Loyihalashtirishda mashinaviy usul har doim ham an‟anaviy eksperemintal uslulardan samarali bo„lavermaydi. Uncha murakkab bo„lmagan mahsulotning sifat ko„rsatkichiga juda yuqori talab qo„yilganda injener an‟anaviy usuldan foydalanib modelni tezda va ishonchli darajada yaratib oladi. Bunday hollarda EHM dan foydalanish loyihalashda katta moliyaviy xarajatga sabab bo„ladi.
SHunday holatlar mavjudki mashinaviy usullar loyihalashda foydali hisoblanmaydi, ammo boshqa tomonlama ustunliklarga ega bo„ladi. Masalan platadagi elementlarni yoki integral sxemani kristallarini ulashda eng optimal variantni tanlash masalasini echishda mashinaviy usul ancha sifatli bajariladi.
Texnikaning ko„pgina sohalarida hali mashinaviy usuldan foydalanishda tajriba kamlik qiladi va shunga asosan hozirda matematik modellar, algoritmlar va echim usullarining eng qulay varianti ishlab chiqilmagan. Tajribaning kamligi mashinaviy analizda modelni va algoritmini tanlashda echimning xatolik ehtimoli oshib boradi. Juda sodda matematik model tanlanishi natijalarning aniqligini pasayishiga olib kelishi mumkin, juda murakkab model tanlanishi esa mashina analiz qilishga ko„p vaqt sarflashiga olib keladi. Lekin umuman olganda sanoat sohalaridagi ALS (SAPR) ning tajribalariga tayanib va hozirgi kun fan taraqiyotini nazarda tutgan holda aytish mumkinki ALS (SAPR) loyihalashtirish tashkilotlarida eng mustahkam hrinni egallagan. Bunday hollarda eng yaxshi natijalar har xil loyihalash usullaridan oqilona foydalanilganda erishiladi. Muxandis foydalaniladigan usullarning imkoniyatlarini, ustun va kamchilik tomonlarini bilishi lozim, ya‟ni u loyihalash jarayonida eng samarali usulni tanlay bilishi kerak.