O‘zbekiston respublikasi mudofaa vazirligi

Jangning asosiy turlari - mudofaa va hujumdir. Mudofaa dushmanning hujumini qaytarish, unga talofat yetkazish va o‘z ko‘shinlarining hujumga o‘tishlari uchun sharoit yaratishdan iborat bo‘lib, mudofaaga o‘tish rejali yoki majburan amalga oshiriladi.

Hujum dushmanni to‘liq yakson qilish va joyning asosiy rayonlari (chegaralari, ob’ektlarini) egallash maqsadida amalga oshiriladi. Mudofaada sabotli va bardoshli bo‘lish, hujum jarayonida faol va qat’iy harakat qilish, motoo‘qchi (tank) guruhi tomonidan jangovar vazifaning mavoffaqiyatli bajarilishi uchun asos bo‘lib xizmat qiladi.

Umumqo‘shin jangining yuqori manyovrchanligi, qo‘shinlarni texnik qurollanishini o‘sib borishi, o‘z navbatida komandirlar tomonidan hal etiladigan vazifalar hajmini orttirib, jangga tayyorgarlik ko‘rish va jangni tashkil etish holatiga, mazmuniga va bo‘linmalarni boshqarish usullariga sezilarli ta’sir ko‘rsatmoqda.

Boshqaruv – komandirlar va shtablar tomonidan bo‘linmalarni yuqori jangovar shayligini saqlashga, jangga tayyorgarlik ko‘rish va qo‘yilgan vazifalarni bajarishga rahbarlik qilish hamda jangni tashkil etish va olib borishni ta’minlovchi tadbirlarni o‘z vaqtida o‘tkazish maqsadiga qaratilgan faoliyatdir.

Zamonaviy qurol-yarog‘ tizimlarini keng qo‘llanayotgan hamda radioelektron kurash vositalari qo‘lanilayotgan sharoitda bo‘linmalarni boshqaruviga qattiq talablar qo‘yilmoqda. Avvalo u, dushmanning talofat yetkazuvchi turli vositalari ta’siriga hamda radioelektron kurash kurash vositalariga chidamli bo‘lishi kerak. Bo‘linmalarda bunga jangda komandirni o‘z o‘rnini mohirona tanlashi va radiostansiyalarni ishchi chastotalarini o‘z vaqtida almashtirishi orqali erishiladi.