|
Lavozim vazifalari:
–O‘zbekiston Respublikasi Qonunlari, O‘zbekiston Respublikasi Prezidenti farmon, farmoyishlari va qarorlari, Hukumat qaror va farmoyishlarini, davlat dasturlari asosida qabul qilingan vazirlik qarorlari, buyruqlari, tadbirlari va boshqa hujjatlar ijrosini ta’minlash maqsadida boshqarma boshlig‘i tomonidan o‘ziga yuklatilgan topshiriqlar ijrosini to‘liq bajarish va ular yuzasidan tegishli takliflar kiritish;
–bo‘limning faoliyatiga umumiy rahbarlik qilish, uning yillik, choraklik va istiqbol ish rejalarini ishlab chiqilishiga tashkil qilish, ularni boshqarmaning umumiy ish rejasi bilan muvofiqlashtirish, ularda belgilangan tadbirlarning sifatli ijro etilishi ustidan nazorat qilish;
–bo‘lim xodimlarining kasbiy, metodik va ilmiy salohiyatini oshirish ishlarini tashkil etish, ichki mehnat tartibi qoidalariga rioya qilish;
–ish taqsimoti asosida bo‘lim xodimlarining lavozim majburiyatlariga rioya qilinishini ta’minlash;
–boshqarmaning boshqa tarkibiy bo‘linmalari bilan faoliyat uzviyligini ta’minlash, faoliyat yo‘nalishlari bo‘yicha tegishli axborotlarni yig‘ish, tahlil qilish;
–boshqarma hay’ati, ishlab chiqarish yig‘ilishlarida ishtirok etish, o‘ziga biriktirilgan hudud tuman (shahar) maktabgacha ta’lim bo‘limlarining faoliyatini muvofiqlashtirib borish;
–tuman (shahar) maktabgacha ta’lim bo‘limi tasarrufidagi maktabgacha ta’lim tashkilotlarida ta’lim-tarbiya sifatini ta’minlash va uzluksiz metodik xizmatni yo‘lga qo‘yish;
–tashkilotlarni attestatsiya va akkreditatsiyadan sifatli o‘tkazish bo‘yicha ishlarni tashkil etish, ichki va tashqi baholash jarayonlarini sifatli tashkil etilishi hamda “ONAKS” elektron platformasiga o‘z muddatida joylashtirib borilishini doimiy nazorat qilish;
–maktabgacha ta’lim tashkilotlarini O‘zbekiston Respublikasi Vazirlar Mahkamasining “Davlat ta’lim muassasalari hamda nodavlat ta’lim tashkilotlarini attestatsiyadan va davlat akkreditatsiyasidan o‘tkazish tartibini takomillashtirish to‘g‘risida”2019-yil 7-iyundagi 470-son va “Maktabgacha, umumiy o‘rta, o‘rta maxsus, professional va maktabdan tashqari ta’lim tashkilotlari pedagog kadrlarini attestatsiyadan o‘tkazish tartibini takomillashtirish chora- tadbirlari to‘g‘risida” 2021-yil 17-sentabrdagi 572-son qarorlari asosida attestatsiya va akkreditatsiyadan sifatli o‘tkazish bo‘yicha ishlarni tashkil etish, ichki va tashqi baholash jarayonlarini sifatli tashkil etilishi hamda “ONAKS” elektron platformasiga o‘z muddatida joylashtirib borilishini doimiy nazorat qilish;
–bolalarni har tomonlama intellektual, ma’naviy-estetik va jismoniy rivojlantiruvchi zamonaviy ta’lim dasturlari va texnologiyalarini ta’lim-tarbiya jarayoniga joriy etish, ularni maktabga tayyorgarlik darajasini tubdan oshirish hamda maktabgacha ta’lim sohasiga oid normativ-hujjatlarga rioya etilishi ustidan monitoring olib borilishini nazorat qilish;
–maktabgacha ta’lim tashkilotlarida olib borilayotgan ta’lim-tarbiya jarayonini o‘rganish hamda o‘rganish natijalari asosida ta’lim tashkilotlari faoliyatini takomillashtirish bo‘yicha tavsiyalar tayyorlash;
–ta’lim-tarbiya jarayoni sifatli deb topilgan maktabgacha ta’lim tashkilotlari bazasida tayanch ta’lim tashkilotlari faoliyatini tashkil qilish, ularning negizida ilg‘or tajribalar almashish, yangi pedagogik, axborot-kommunikatsion va boshqa texnologiyalarni joriy etish masalalari bo‘yicha uchrashuvlar, seminarlar, konferensiyalar o‘tkazish, ulardan ta’lim-tarbiya jarayonida foydalanishni tashkil etish;
–maktabgacha ta’lim tashkilotlarida maktabgacha ta’limga qo‘yilgan ilk va maktabgacha yoshdagi bolalar rivojlanishiga qo‘yiladigan davlat talablariga mos shart-sharoitlar yaratilishini o‘rganish;
–“Ilk va maktabgacha yoshdagi bolalarning rivojlanishiga qo‘yiladigan Davlat talablari” hamda “Ilk qadam” davlat o‘quv dasturi va variativ (muqobil) dasturlari, o‘quv- uslubiy qo‘llanmalarini amaliyotga tatbiq etilishini nazorat qilish;
–O‘zbekiston Respublikasi Vazirlar Mahkamasining “Maktabgacha ta’lim va tarbiyaning davlat standartini tasdiqlash to‘g‘risida” 2020-yil 22-dekabrdagi 802-son qarori talablari hamda davlat o‘quv dasturi va variativ (muqobil) dasturlari, o‘quv-uslubiy qo‘llanmalarini amaliyotga tatbiq etilishini nazorat qilish;
–maktabgacha ta’lim tashkilotlarida ta’lim-tarbiya jarayonida bolalarda umumiy asosiy kompetensiyalar va rivojlanish sohalari kompetensiyalarini shakllantirish uchun tegishli sharoitlar yaratish;
–maktabgacha ta’lim tashkilotlarini yagona talablar bo‘yicha bolalar yosh xususiyatlarini inobatga olgan holda o‘yin va o‘yinchoqlar, sport jihozlari va didaktik materiallar bilan jihozlash yuzasidan ehtiyojni o‘rganish va ta’minlash choralarini ko‘rish bo‘yicha boshqarma boshlig‘iga takliflar kiritish;
–maktabgacha ta’lim tizimida ta’lim-tarbiya jarayoniga yangi pedagogik va psixologik usullar bilan o‘qitishning ilg‘or shakl va usullarini o‘yinlar orqali joriy etilishi yuzasidan amaliy metodik yordam ko‘rsatish;
–ta’lim berish tilidan kelib chiqib, pedagoglarning o‘quv metodik qo‘llanmalarga bo‘lgan ehtiyojlarini aniqlash yuzasidan ma’lumotlar bankini yaratish, so‘rovnomalar o‘tkazish va tahlil qilish;
–maktabgacha ta’lim tashkilotlarida pedagoglarning kasbiy salohiyatini oshirish, ta’lim sifatini oshirish yuzasidan pedagoglar, ota-onalar fikrlarini inobatga olgan holda tavsiyalar tayyorlash va tuman (shahar) bo‘limlariga yetkazilishini ta’minlash;
–vazirlikning tegishli boshqarma va bo‘limlari bilan o‘zaro hamkorlik ishlarini amalga
oshirish;
–bo‘lim faoliyati bo‘yicha tahliliy ma’lumotlar va hisobotlarni tayyorlash, xodimlar
tomonidan o‘z vazifalarini sifatli bajarilishini nazorat qilish.
–sanitariya-gigiyena talablari, mehnatni muhofaza qilish, texnika va yong‘in xavfsizligi qoidalari talablariga rioya qilinishini nazorat qilish.
Do'stlaringiz bilan baham: |
