O‘zbekiston Respublikasi Maktabgacha ta’lim tizimi xodimlari asosiy lavozimlarining malaka tavsiflarini tasdiqlash to‘g‘risida

Malaka talablari:

–o‘z yo‘nalishi bo‘yicha kamida bakalavr darajasidagi oliy ma’lumot;
–xorijiy tillardan birining boshlang‘ich bosqichini va axborot-kommunikatsiya texnologiyalaridan foydalanishni bilishi;
–moliyaviy-iqtisodiy faoliyat bilan bog‘liq bo‘lgan uch yildan kam bo‘lmagan ish staji.

41. §. Maktabgacha ta’lim tashkilotlari direktor va mutaxassislarini qayta tayyorlash va ularning malakasini oshirish instituti kassiri lavozimining malaka tavsiflari

Tartib raqami	5540
Mashg‘ulotlarning milliy standart klassifikatori bo‘yicha kodi	4211
Xodimlar toifasi	Boshqaruv

1. 
   Lavozim vazifalari:
   

–g‘azna naqd pullarni qabul qilishni bosh hisobchi yoki u vakolat bergan shaxs tomonidan imzolangan kirim kassa orderlari bo‘yicha rasmiylashtirish;
–g‘aznadan boshqa tashkilotlar ehtiyojlari uchun naqd pul berishiga yo‘l qo‘ymaslik;
–g‘aznadan naqd pul berilishida chiqim kassa orderlari yoki tegishlicha rasmiylashtirilgan boshqa hujjatlar (to‘lov qaydnomalari, pul berish bo‘yicha arizalar, hisob-varaqlar) bo‘yicha ushbu hujjatlarga chiqim kassa orderini rekvizitlari bo‘lgan shtamp qo‘yilgan holda amalga oshirilishi, pul berishga doir hujjatlar tashkilot rahbari, bosh hisobchi yoki ular vakolat bergan shaxslar tomonidan imzolangan holda amalga oshirish;
–institut g‘aznasiga kirim qilinayotgan va chiqarilayotgan naqd pullar hisobotini doimiy ravishda olib borish;
–g‘aznasida bajariladigan naqd pul operatsiyalari hisobi to‘g‘risida bosh hisobchiga doimiy ravishda belgilangan muddatlarda hisobotlarini topshirish;
–davlat bankidan naqd pullarni olib kelish, g‘aznaga to‘liq kirim qilish va maqsadsiz sarflanishiga yo‘l qo‘ymaslik;
–oylik maoshlarni har bir xodimga shaxsini tasdiqlovchi hujjat (pasport) asosida tarqatish;
–to‘lov qaydnomasi va chiqim g‘azna orderlariga qo‘yilgan imzolarga shaxsan javobgarlikni his etish;
–kassa kitobini to‘g‘ri yuritish, kirim qilingan kundan boshlab naqd pulni 3 (uch) kun muddatda hisobotini tuzish va qoldiq naqd pul mablag‘ini bankka topshirish,
–g‘aznada ish yurituvchi g‘aznachilarning ishlarini nazorat etib borish;
–kirim kassa orderi va ularga doir kvitansiyalar, naqd pullarni barcha tushumlari va berilishini kassa daftarida hisobga olib borish;
–g‘azna xonasi va metall javonlarini ochishdan oldin katta g‘aznachi qulflar, eshiklar, deraza panjaralari va muhrlar butligini ko‘zdan kechirish va qo‘riqlash signalizatsiyasi buzilmaganligiga ishonch hosil qilish;

2.