O’zbekiston respublikasi maktabgacha ta’lim tashkilotlari faoliyatini covid-19 pandemiyasi sharoitida qayta tiklash bo’yicha

QISQARTIRISHLAR RO'YXATI 

JSST 

Jahon sog‘liqni saqlash tashkiloti  

MTT 

Maktabgacha ta’lim tashkiloti  

Yevro JSST  

Jahon sog‘liqni saqlash tashkilotining Yevropa mintaqaviy byurosi 

MTV  

Maktabgacha ta'lim vazirligi

SSV  

Sog‘liqni saqlash vazirligi

(SEOvaJSX) 

Sanitariya-epidemiologik osoyishtalik va jamoat salomatligi xizmati

UNICEF  

Birlashgan Millatlar Tashkilotining Bolalar jamg‘armasi 

---

4

MTM faoliyatini COVID-19 pandemiyasi sharoitida qayta tiklash bo‘yicha qo‘llanma

Kirish 

KIRISH  

COVID-19 pandemiyasi butun dunyodagi bolalarning ta'lim olishi, himoyasi va farovonligi 

yo‘lida favqulodda vaziyatni keltirib chiqardi. Ta'lim jarayonining uzilishi mamlakat 

iqtisodiyoti va umuman jamiyat uchun uzoq muddatli oqibatlarga olib keladi.

Hozirgi kunda O‘zbekiston Respublikasiga koronavirusning yangi turi kirib kelishi va 

tarqalishining oldini olish yuzasidan chora-tadbirlar dasturini tayyorlash bo‘yicha 

Respublika maxsus komissiyasining qarori bilan karantin cheklovlarini yumshatish dasturi  

amalga oshirilmoqda. Ko‘plab tashkilotlar, shu jumladan maktabgacha ta'lim tashkilotlar 

(MTT) faoliyati bosqichma-bosqich qayta yo‘lga qo‘yilmoqda.

COVID-19 pandemiyasi bilan bog‘liq vaziyat MTTda bolalarning xavfsizligini ta'minlash 

bo‘yicha chora-tadbirlarni qayta ko‘rib chiqish va ishlab chiqish uchun sabab bo‘ldi. 

Bunday chora-tadbirlar shuningdek, kelajakda bolalar orasida virusli infeksiyalarni 

samarali ravishda profilaktika qilish nuqtai nazaridan ham ahamiyatlidir.

MTT faoliyatini qayta tiklash, bolalarning uzluksiz ta'limining yagona tizimining muhim 

bosqichi hisoblanadi.

Shu munosabat bilan, MTT faoliyatini qayta tiklash bolalar uchun xavfsiz, qo'llab-

quvvatlovchi va rag'batlantiruvchi muhitni ta'minlaydigan tarzda rejalashtirish kerak. Shu 

bilan birga, tarbiyalanuvchilar orasidagi xavfsiz masofa ularning ijtimoiy aloqalari, amaliy 

mashg'ulotlari va har tomonlama rivojlanishiga hissa qo'shadigan o'yinlariga to'sqinlik 

qilmasligi kerak.

Buning uchun o'quv rejasini moslashtirish, jismoniy masofani saqlash nuqtai nazaridan, 

o'yin va o’quv mashg'ulotlarni o'tkazish uchun sharoit ta’minlash talab etiladi. Shu bilan 

birga, ayni paytda, bolalarning maqbul darajada rivojlanishi uchun shart-sharoitlarni 

yaratib berish tamoyillariga muvofiq bo‘lishi zarur.

Ushbu qo‘llanmada asosiy e’tibor umumiy tamoyillarga, shuningdek, MTT faoliyatini qayta 

tiklashda inobatga olinishi lozim bo‘lgan, amaliy choralarga qaratiladi. 

---