O‘zbekiston Respublikasi Madaniyat vazirligi Jizzax viloyat madaniyat boshqarmasi Jizzax ixtisoslashtirilgan san’at maktabi “Musiqashunoslik va fortepiano” kafedrasining

Fanning maqsad va vazifalari
Fanning maqsadi Mustaqillik sharofati ila davlatimiz o‘nlab yaqin va o‘zoq xorijiy sharq davlatlari bilan iqtisodiy va madaniy aloqalarni o‘rnatishga muyassar bo‘ldi. Xalqlar o‘rtasidagi hamdo‘stlik siyosati yurtimiz tinchligini mustahkamlashga, madaniy boyligini yanada oshirish maqsadiga qaratilgan. Bu siyosiy jarayonnig ahamiyati nihoyatda ulkandir. Respublikamiz madaniy hayotida ko‘plab yangi ijobiy o‘zgarishlar ro‘y berdi. Shulardan biri-musiqa ta’limi tarixida birinchi bor sharq xalqlari musiqalarini o‘rganishga sharoit yaratildi. O‘rta maxsus bilim yurtlari-ya’ni musiqa kollejlarida “Sharq xalqlari musiqasi” fani dastavval Markaziy Osiyo xalqlari (tojik, qirg‘iz, qozoq, turkman) musiqa san’atini, an’anasi tutash bo‘lgan qardosh ozarbayjon va uyg‘ur xalqlari musiqalarini o‘rganishga mo‘ljallangan.
Fanning vazifalari “Sharq xalqlari musiqasi” o‘quv fanini o‘tishda asosiy diqqat an’anaviy musiqa merosini o‘rganishga qaratiladi. Shu merosga tegishli xalq va ustozona musiqa namoyandalari, janrlari, cholg‘ulari bilan tanishish fanning asosiy vazifasini belgilaydi. Shu bilan birga zamonaviy musiqaga tegishli qisqacha ma’lumotlarni berish ham tavsiya etiladi.
Dars mavzularini o‘zlashtirishda asosiy diqqat ularning ko‘proq amaliy tomonini o‘rganishga, masalan, muayyan musiqa namunalarini, cholg‘ularini, mashhur san’atkorlar hayoti va ijodini o‘rganishga qaratiladi. Mavzu taqsimotida ko‘rsatilgan darslarni o‘tishda yordam beradigan adabiyot va yozuv vositalari (monografiya, maqolalar to‘plamlari, gramplastinkalar) xaqidagi ma’lumotlar har bir mavzu so‘ngida keltiriladi.


Fanning boshqa fanlar bilan bog‘liqligi uslubiy jixatdan
o‘zviyligi va ketma-ketligi
Sharq xalqlari musiqasi mutaxasislik. Fan xisoblanib u 6 – semestrda o‘qitiladi Sharq xalqlari musiqasi Fani “Bastakorlar ijodi”, “Xalq ijodi”, ‘Qozoqiston musiqa adabiyoti”, “Ozarbayjon musiqa adabiyoti”, “Qozoqiston musiqa tarixi”, “Musiqaning elementar nazariyasi”, “O‘zbek musiqa adabiyoti” kabi fanlar bilan boglab utiladi