O‘zbekiston respublikasi konstitutsiyasi

3-ilova
“FUQARO MUHOFAZASI” BO‘LIMI
Nafas olish a’zolarini himoya qiluvchi gazniqoblarini
o‘ziga va jarohatlangan odamga kiydirish me’yorlari.


1.Nafas olish a’zolarini himoya qiluvchi gazniqoblarini kiyish.O‘quvchilardagi gazniqob (GP–5, GP-7) yig‘ma-safar holatida.Kutilmaganda "Gazlar!" komandasi berilishi bilan o‘quvchi gazniqobni kiyadi. Vaqt komanda berilgan paytdan boshlab, gazniqobni to‘la kiyish va to‘liq nafas chiqargunga qadar hisoblanadi. Bahoni 1 ballga kamaytiruvchi xatoliklar,o‘quvchi gazniqobni kiyish vaqtida ko‘zlarini yummadi, nafasini ushlamadi yoki kiyilgandan so‘ng nafasini to‘liq chiqarmadi va shlem-niqob qiyshiq kiyilgan yoki ulovchi trubka qiyshayib qolgan bo‘lsa. “Qoniqarsiz” baho qo‘yiluvchi holatlar, shlem-niqob taxlanib, qiyshayib qolishi natijasida tashqaridan havo kirish ehtimoli bor va ulovchi naycha gaykasi to‘liq buralmagan bo‘lsa.
-“a’lo” bahoga –8 soniya.
-“yaxshi” bahoga –9 soniya.
-“qoniqarli” bahoga – 10 soniya.


2.Nafas olish a’zolarini himoya qiluvchi gazniqoblarini jarohatlangan odamga kiydirish. O‘quvchi gazniqob kiygan holda shikastlangan odamning bosh tomonida yotibdi. Shikastlangan odamdagi gazniqob yig‘ma-safar holatida. Rahbarning "Gazlar!" komandasi berilishi buyrug‘i bilan o‘quvchi shikastlangan odamga gazniqobni kiydiradi. Bahoni 1 ballga kamaytiruvchi xatoliklar,shlem-niqob to‘liq kiyilmagan, ko‘zoynak ko‘zlar qarshisiga joylashmagan va bog‘lovchi trubka buralib qolgan bo‘lsa.
-“a’lo” bahoga – 15 soniya.
-“yaxshi” bahoga – 16 soniya.
-“qoniqarli” bahoga – 17 soniya.


Terini himoya qilish vositalarini kiyish me’yorlari.
1.Yengil himoya kostyumlarini kiyish. O‘quvchi zararlangan joyda turibdi. Kiyimlar o‘quvchi yonida taxlangan holatda turadi. O‘quvchiga “Himoya kiyimlari kiyilsin!”,“Gazlar!” komandasi berilgandan so‘ng yengil himoya kostyumi va gazniqobni kiyadi. Vaqt komanda berilgandan boshlab qo‘lning katta barmog‘iga yengning tugunchasini taqishga qadar hisoblanadi. Bahoni 1 ballga kamaytiruvchi xatoliklar, bo‘yin bog‘ichlari yaxshi mahkamlanmagan va tashqariga chiqaruvchi podshlemnik kiyilmagan.“Qoniqarsiz” baho qo‘yiluvchi holatlar, bo‘yin bog‘ichi mahkamlanmagan yoki qo‘l ustiga yeng tushirilmagan, kiyish vaqtida himoya vositasi shikastlantirilgan, gazniqobni kiyishda «qoniqarsiz» bahoga loyiq xatoliklarga yo‘l qo‘yilgan bo‘lsa.
-“a’lo” bahoga – 4 daqiqa.
-“yaxshi” bahoga – 4 daqiqa 30 soniya.
-“qoniqarli” bahoga – 5 daqiqa.