O’zbekiston respublikasi jismoniy tarbiya va sport vazirligi o’zbekiston davlat jismoniy tarbiya va sport universiteti eshkak eshish nazariyasi va uslubiyati chirchiq-2020 yil

Jismoniy tarbiya institutida eshkak eshish ixtisosligi kursining predmeti, mazmuni va vazifalari. O’qituvchi-murabbiylik kasbi har tomonlama bilim, ko’nikma va malakalarni, ma`naviy yetuklikni, bolalar va sportchilarga bo’lgan cheksiz mehr-muhabbatni talab qiladi. Har kuni sportchilarga o’zini bahshida qilish, ularni jismoniy tarbiya va sportga undash, shu yo’lda ularni birlashtirish va ularning qalbiga jismoniy tarbiya va sportning ma`naviy asoslarini joylashtirish murabbiyning asosiy vazifalaridir.
O’qituvchi-murabbiyning faoliyati – o’sib kelayotgan avlodni ichki dunyosiga yo’l topa olish qobiliyati bilan o’lchanadi. Shuni esdan chiqarmaslik kerakki, o’sib kelayotgan bolani qalbini cho’ktirmaslik uchun iloji boricha o’zaro iliq munosabatni amalga oshirish kerak. Pedagogni bolalar bilan do’stona munosabati ta`lim-tarbiya jarayonida muhim o’rin tutadi. Ong - ong bilan tarbiyalanadi, vijdon – vijdon bilan, Vatanga bo’lgan sadoqat unga bo’lgan sodiqlik bilan o’lchanadi.
Eshkak eshish nazariyasi va uslubiyati fanini o’qitishdan maqsad – O’zbekiston Respublikasi Jismoniy tarbiya va sport sohasining barcha bo’limlarida faoliyat yurituvchi, eshkak eshish sporti turlari bo’yicha har tonlama yetuk mutaxassis kadrlarni tarbiyalashdan iborat.
Fan o’qitilishi vazifalari:
- talabalarni jismoniy tarbiya tizimida eshkak eshish sportini jismoniy tarbiya vositasi sifatidagi bilimlar va eshkak eshish sporti turlari texnikasi hamda o’qitish uslublari haqidagi bilimlar bilan qurollantirish;
- jismoniy tarbiyaning turli bo’limlarida ta`lim va boshlang’ich sport masg’uloti vazifalarini yechishga yordam beruvchi maxsus pedagogik bilimlarni shakllantirish;
- eshkak eshish bo’yicha ommaviy sport ishlarini tashkil qilish;
- talabalarning ijodiy qobiliyatlarini rivojlantirish, fikrlashni va bashorat qilishni tarbiyalash;
O’quv jarayoni – ma`ruza, seminar, amaliy va sport mahoratini oshirish mashg’ulotlaridan hamda o’quv amaliyoti va talabalarning mustaqil ishlaridan tarkib topgan.