O‘zbekiston respublikasi iqtisodiy rivojlanish va qashshoqlikni qisqartirish vazirligi huzuridagi tadbirkorlikni rivojlantirish agentligi faoliyatini samarali tashkil etish to‘G‘risida

3-bob. Agentlikning huquq va majburiyatlari
12. Agentlik o‘ziga yuklangan vazifalar va funksiyalarni bajarish uchun quyidagi huquqlarga ega:
tadbirkorlik masalalari bo‘yicha normativ-huquqiy hujjatlar loyihalarini ishlab chiqish, ularni ishlab chiqishda ishtirok etish, shuningdek, ular yuzasidan o‘z fikrlarini bildirish;
o‘z vakolatiga kiruvchi masalalar bo‘yicha davlat organlaridan va boshqa tashkilotlardan belgilangan tartibda axborot va materiallarni so‘rash va olish;
Agentlikka yuklangan vazifalardan kelib chiqib, tadbirkorlik sohasidagi qonun hujjatlarini takomillashtirish yuzasidan takliflar kiritish;
malakali mahalliy va xorijiy mutaxassislarni vazirlik bilan kelishilgan holda shartnoma asosida kadrlar va maslahatchilar sifatida jalb etish;
Agentlikka yuklangan vazifa va funksiyalarni amalga oshirish bilan bog‘liq normativ-huquqiy hujjatlar loyihalarini, shuningdek, boshqa hujjatlarni Vazirlikka kiritish;
O‘zbekiston Respublikasining xalqaro shartnomalari loyihalarini belgilangan tartibda ishlab chiqish, vazirlik bilan kelishilgan holda Agentlik vakolatiga kiradigan masalalar bo‘yicha idoralararo xalqaro shartnomalar tuzish;
Vazirlik bilan kelishilgan holda Agentlik vakolatiga kiradigan masalalar bo‘yicha xalqaro miqyosda belgilangan tartibda O‘zbekiston Respublikasi manfaatlarini ifodalash;
Vazirlik bilan kelishilgan holda o‘z vakolatlari doirasida xalqaro va xorijiy tashkilotlar bilan hamkorlik qilish;
Agentlik faoliyatini kengaytirish, o‘zining rasmiy veb-saytlari, shuningdek, ijtimoiy tarmoqlarda sahifalarini yaratish maqsadida;
o‘z vakolatlari doirasida konferensiyalar, seminarlar, simpoziumlar o‘tkazish, shuningdek, boshqa tashkilotlar tomonidan o‘tkaziladigan shu kabi xorijiy tadbirlarda ishtirok etish;
tadbirkorlik sohasini joriy va istiqbolli rivojlantirish muammolarini ishlab chiqish maqsadida ishchi guruhlarni, shu jumladan xorijiy ekspertlar ishtirokida tashkil etish;
xo'jalik yurituvchi sub'ektlarga xorijiy va xalqaro tashkilotlarning moliyaviy va texnik yordamlarini jalb qilishda ko'maklashish.
Agentlik qonun hujjatlariga muvofiq boshqa huquqlarga ham ega bo‘lishi mumkin.
13. Agentlik quyidagilar uchun javobgardir:
o‘ziga yuklangan vazifalarni to‘g‘ri va samarali amalga oshirish, shuningdek, tegishli sohada davlat siyosatini amalga oshirish;
tadbirkorlikni rivojlantirish dasturlari, chora-tadbirlar rejalari, yo‘l xaritalari va boshqa hujjatlarni samarali amalga oshirish;
Agentlik vakolatiga kiruvchi masalalar bo‘yicha tadbirkorlik sub’yektlarining huquqlari va qonuniy manfaatlariga rioya etilishi va himoya qilinishini ta’minlash.